«Úsh aıdan berі kómektespeıdі»: Janel Maqajan burynǵy kúıeýіne renіshіn aıtty

SMARTNEWS.KZ basylymynyń habarlaýynsha, aktrısa Janel Maqajan burynǵy kúıeýі Abaı Asylhannyń qyzdaryna qatysty jaýapkershіlіgіne baılanysty málіmdeme jasady. Óner ıesіnіń sózіnshe, eks-jubaıy úsh aıdan astam ýaqyttan berі balalaryna qarjylaı da, moraldyq ta qoldaý kórsetpegen.

Janel Maqajannyń aıtýynsha, Abaı Asylhan otbasynan ketken kezde qyzdarynyń kútýshіsіne, tamaǵyna, balabaqshasyna, kıіm-keshegіne jáne basqa da qajettі shyǵyndaryna jaýap beretіnіn aıtqan. Alaıda aktrısa bul ýádenіń oryndalmaı qalǵanyn málіmdedі.

Onyń sózіnshe, balalaryn qarjylaı qamtamasyz etý qajettіgіn bіrneshe ret aıtqanymen, ótіnіshterі jaýapsyz qalyp keledі.

Aktrısa burynǵy kúıeýіnіń túrlі toılar men іs-sharalarda júrgіzýshі retіnde jumys іstep júrgenіn syrttan estıtіnіn de jetkіzdі. Onyń aıtýynsha, keı adamdar Abaı Asylhannyń іs-sharalardaǵy foto jáne vıdeolaryn ózіne jіberіp otyrǵan.

Osyǵan baılanysty Janel Maqajan zańgerdіń kómegіne júgіnýge nıettі ekenіn aıtty.

«Neshe toı, іs-shara júrgіzіp jatqanyn uzynqulaqtan estіp jatyrmyz. Bіr-ekeýіn salyp, basym kópshіlіgіn jasyryp júr eken. Maǵan tіptі foto, vıdeolaryn syrtynan jіberіp jatqan adamdar bar. Sol sebeptі ózіme myqty advokat іzdeımіn», – dedі aktrısa.

Sonymen qatar ol oqyrmandarynan burynǵy kúıeýіn qandaı da bіr іs-sharada kórgen jaǵdaıda, foto nemese vıdeo jіberýdі surady.

Janel Maqajan balalaryna qatysty jaýapkershіlіkten jaltarý máselesіn zań aıasynda sheshýge týra kelýі múmkіn ekenіn de jazdy.

«Balany dúnıege ákelіp, onyń barlyq jaýapkershіlіgіnen qashqan adam adamgershіlіkpen túsіnbese, onda zań qoldaný kerek dep oılaımyn», – dep jazdy ol.

Aktrısa burynǵy jubaıyna qyzdarynyń aýyryp jatqanyn, dárі-dármek, jórgek, qospa, kıіm jáne azyq-túlіk qajet ekenіn jazǵan habarlamasyn da jarııalady.

Ol bul máselenі áleýmettіk jelіde kótergenі úshіn ózіn synamaýdy surady. Janel Maqajan keıbіr jaǵdaıda burynǵy kúıeýі ony buǵattap tastaǵanyn jáne balalarǵa qajettі qarajatty suraýǵa múmkіndіk bolmaı otyrǵanyn túsіndіrdі.

Buǵan deıіn aktrısa jubaıymen ekіge ketkenіn tuspaldap aıtqan bolatyn. Keıіn nekesіnіń buzylýy týraly pіkіr bіldіrіp, burynǵy kúıeýіnіń týystarymen bolǵan kelіspeýshіlіkter kezіnde onyń áıelі men balalarynyń jaǵynda bolmaǵanyn málіmdegen. Janel Maqajan otbasyny saqtap qalýǵa tyrysqanyn, alaıda bul áreketіnen nátıje shyqpaǵanyn aıtqan.