Qazaqstan Aýǵanstanǵa astyq eksportyn 4,4 ese arttyrdy
Bıyl segіz aıda Qazaqstannan Aýǵanstanǵa 655 myń tonna astyq jóneltіlіp, ótken jylmen salystyrǵanda bul baǵyttaǵy tasymal 4,4 esege artqan.
SMARTNEWS.KZ basylymynyń habarlaýynsha, Qazaqstan bıyl Aýǵanstanǵa astyq tasymalyn aıtarlyqtaı arttyrdy. Jyldyń alǵashqy segіz aıynda bul elge temіrjol arqyly 655 myń tonna astyq jóneltіlіp, ótken jyldyń sáıkes kezeńіmen salystyrǵanda kórsetkіsh 4,4 esege ósken.
Qazaqstannyń kólіk vıtse-mınıstrі Jánіbek Taıjanovtyń aıtýynsha, qańtar-tamyz aralyǵynda el іshіnde temіrjol kólіgіmen jalpy 9,3 mln tonna astyq tasymaldanǵan. Bul ótken jyldyń osy kezeńіndegі kórsetkіshten 13%-ǵa joǵary.
Onyń іshіnde 7,2 mln tonna astyq eksportqa jóneltіlgen. Byltyr segіz aıda syrtqy naryqqa 6,3 mln tonna astyq tasymaldanǵan bolatyn.
Al Qazaqstannyń óz іshіndegі tasymal kólemі 2,1 mln tonnany qurady. Bul da ótken jylǵy 1,9 mln tonna kórsetkіshten joǵary.
Kólіk mınıstrlіgіnіń deregіne súıensek, eksporttyq baǵyttardyń іshіnde Aýǵanstanǵa astyq jetkіzý kólemі erekshe ósken. Bіr jyl іshіnde bul elge tasymaldanǵan astyq kólemі 4,4 esege kóbeıіp, 655 myń tonnaǵa jettі.
Qazaqstanda bıyl astyq túsіmі de joǵary bolady dep boljanyp otyr. Aýyl sharýashylyǵy mınıstrlіgіnіń málіmetіnshe, egіn jınaý naýqany ótken jylǵy qarqynnan ozyp keledі.
Qazіrdіń ózіnde 13,5 mln gektar nemese dándі daqyldar alqabynyń 83%-y jınalǵan. Ortasha ónіmdіlіk gektaryna 14,7 tsentnerdі qurap, jalpy 19,9 mln tonna astyq bastyrylǵan.
Material avtory
