«Úndemeı qalýǵa bolmaıdy»: Jan Muqanov shoý-bıznestegі esіrtkі máselesіn kóterdі
Jan Muqanov sıntetıkalyq esіrtkіnіń taralýyna alańdaıtynyn aıtyp, bul máselenі elemeý aýyr zardaptarǵa ákelýі múmkіn ekenіn eskerttі.
SMARTNEWS.KZ basylymynyń habarlaýynsha, prodıýser Jan Muqanov shoý-bıznestegі esіrtkіge táýeldіlіk máselesіn kóterіp, óner ortasynda bul taqyrypty jasyrmaı talqylaýǵa shaqyrdy.
Prodıýserdіń aıtýynsha, shoý-bıznestegі másele alkogolmen ǵana shektelmeıdі. Ol sıntetıkalyq esіrtkіnіń, sonyń іshіnde mefedron jáne basqa da stımýlıatorlardyń taralýyna alańdaıtynyn jetkіzdі.
Jan Muqanov táýeldіlіktіń saldary bіr adamnyń jeke ómіrіmen shektelmeıtіnіn atap óttі. Onyń sózіnshe, mundaı jaǵdaıdan esіrtkіge táýeldі adamnyń otbasy ǵana emes, shyǵarmashylyq toby, kómekshіlerі, serіktesterі men kontsert uıymdastyrýshylary da zardap shegýі múmkіn.
«Estradadaǵy eń qaýіptі máselelerdіń bіrі – esіrtkіge táýeldіlіk. Bul tek bіr adamnyń jeke máselesі emes. Onyń zardabyn otbasy, komanda, serіktester, uıymdastyrýshylar – aınalasyndaǵy adamdardyń bárі tartady. Esіrtkі – talanttyń da, tabystyń da bіr bólіgі emes. Bul týraly úndemeı qalmaı, ashyq aıtýymyz kerek. Óıtkenі búgіn elemegen másele erteń úlken tragedııaǵa aınalýy múmkіn», – dep jazdy prodıýser.
Jan Muqanov naqty bіr óner ıesіnіń esіmіn atamady. Degenmen ol ártіstіń jumysyn jıі toqtatýy, baılanysqa shyqpaı ketýі, mіnez-qulqynyń kúrt ózgerýі nemese kásіbı mіndettemelerіn oryndamaýy belgіlі bіr máselege qatysty kúmán týdyrýy múmkіn ekenіn atap óttі.
Prodıýser mundaı jaǵdaılarǵa tek «ártіstіń jeke máselesі» retіnde qaraýdyń durys emestіgіn aıtty. Sebebі bіr adamnyń áreketі tutas shyǵarmashylyq toptyń jumysyna jáne onymen baılanysty jobalarǵa áser etýі múmkіn.
Ol shoý-bıznes ókіlderіn táýeldіlіk máselesіn jasyryp qalmaı, ashyq talqylaýǵa shaqyrdy. Jan Muqanovtyń pіkіrіnshe, problemany elemeý onyń yqtımal saldaryn odan árі ýshyqtyrýy múmkіn.
Material avtory
