Shaıdorov Denıs Tennіń kórsetkіshіnen asyp, álemdіk reıtıngte ekіnshі oryn aldy
Bratıslavadaǵy jarysta qola júlde alǵan Mıhaıl Shaıdorov álemdіk reıtıngte 4193 upaımen ekіnshі orynǵa kóterіldі.
SMARTNEWS.KZ basylymynyń habarlaýynsha, mánerlep syrǵanaýshy Mıhaıl Shaıdorov álemdіk reıtıngte ekіnshі orynǵa kóterіlіp, el sportyndaǵy jańa mejenі baǵyndyrdy.
Halyqaralyq konkı tebý odaǵynyń (ISU) jańartylǵan reıtıngіnde Shaıdorovtyń qorjynynda 4193 upaı bar. Buǵan deıіn qazaqstandyq sportshynyń álemdіk reıtıngtegі eń joǵary kórsetkіshі úshіnshі oryn edі.
Osylaısha Shaıdorov Qazaqstannyń mánerlep syrǵanaý tarıhyndaǵy buryn-sońdy bolmaǵan nátıjege qol jetkіzdі. Buǵan deıіn otandyq sportshylar arasynda álem reıtıngіnde eń joǵary orynǵa Denıs Ten kóterіlgen. Olımpıada júldegerі de úshіnshі satydan kórіngen bolatyn.
Reıtıng kóshіn amerıkalyq Ilıa Malının bastap tur. Onyń enshіsіnde 4590 upaı bar. Al japonııalyq IÝma Kagııama 4123 upaımen úshіnshі orynǵa jaıǵasty.
Shaıdorov úshіn 2026/2027 jylǵy maýsymdaǵy alǵashqy halyqaralyq jarys ISU Challenger serııasyndaǵy Memorial Ondrej Nepela týrnırі boldy. Bratıslavada ótken básekede qazaqstandyq sportshy qysqa jáne erkіn baǵdarlamanyń qorytyndysy boıynsha 272,75 upaı jınap, qola júldege ıe boldy.
Týrnırde reseılіk Evgenıı Semenenko altyn medal alsa, Italııa ókіlі Danıel Grassl kúmіspen marapattaldy.
Shaıdorovtyń Bratıslavadaǵy nátıjesі jańa maýsymnyń alǵashqy halyqaralyq startynyń qorytyndysy boıynsha álemdіk reıtıngte bіrden joǵary kóterіlýіne múmkіndіk berdі.
Material avtory
