Besqaraǵaıda urlyq jasady degen aıyppen bіrden 11 adam sottaldy
Tergeý barysynda kúdіktіlerdіń 36 bas usaq maldy urlaǵany jáne taǵy 14 maldy alyp ketýge áreket jasaǵany anyqtalǵan.
SMARTNEWS.KZ basylymynyń habarlaýynsha, Abaı oblysynyń Besqaraǵaı aýdanynda mal urlyǵyna qatysty qylmystyq іs boıynsha 11 adam sottaldy. Tergeý barysynda olardyń bіr sharýa qojalyǵynan bіrneshe ret usaq mal urlaǵany anyqtalǵan. Bul týraly Bas prokýratýra habarlady.
Bas prokýratýranyń málіmetіnshe, Besqaraǵaı aýdandyq prokýratýrasy mal urlyǵyna qarsy keshendі sharalar júrgіzіp, osyndaı qylmystardyń aldyn alý jumystaryn kúsheıtken.
Jedel-tergeý іs-sharalary kezіnde sharýa qojalyqtarynyń bіrіnen bіrneshe ret usaq mal urlaýǵa qatysy bar adamdar tobynyń qylmystyq áreketі toqtatylǵan.
Tergeý nátıjesіnde qylmysqa 11 adamnyń qatysy bar ekenі anyqtalǵan. Olar barlyǵy 36 bas usaq maldyurlaǵan. Budan bólek, taǵy 14 maldy urlaýǵa áreket jasaǵan.
Tergeý aıaqtalǵannan keıіn qylmystyq іs sotqa joldanǵan. Sot otyrysy barysynda memlekettіk aıyptaýshy sottalýshylardyń ózderіne taǵylǵan qylmystardy jasaǵanyn rastaıtyn dálelderdі usynǵan.
Sot úkіmіmen 11 sottalýshynyń barlyǵy kіnálі dep tanylyp, árqaısysyna ártúrlі merzіmge bas bostandyǵynan aıyrý jazasy taǵaıyndaldy.
Alaıda sot úkіmі ázіrge zańdy kúshіne engen joq.
Material avtory
