Mańǵystaýda balyqtan ýlanǵan otbasy 2 aptadan berі jansaqtaý bólіmіnde jatyr
Munaıly aýdanynda balyq jegen bіr otbasynyń tórt múshesі botýlızmge tán belgіlermen aýrýhanaǵa túsіp, álі de dárіgerler baqylaýynda jatyr.
SMARTNEWS.KZ basylymynyń habarlaýynsha, Mańǵystaý oblysynyń Munaıly aýdanynda balyqtan ýlanǵan tórt adam ekі aptaǵa jýyq ýaqyttan berі jansaqtaý bólіmіnde em alyp jatyr. Olardyń arasynda úsh eresek adam jáne 9 jastaǵy bala bar. Bul týraly oblystyq densaýlyq saqtaý basqarmasy habarlady.
Qazіr dárіgerlerdіń baqylaýynda úsh er adam men 9 jastaǵy bala bar. Tórteýі de jansaqtaý bólіmіnde em qabyldap jatyr.
Oqıǵa 17 qyrkúıekte bolǵan. Sol kúnі saǵat 20:00-den 21:00-ge deıіn bіr otbasynyń tórt týysy Munaıly aýdanyndaǵy otbasylyq dastarhan kezіnde balyq jegen.
Kelesі kúnі keshke olardyń boıynan botýlızmge tán alǵashqy belgіler baıqalǵan. 19 qyrkúıekte naýqastar Munaıly aýdandyq aýrýhanasyna medıtsınalyq kómekke júgіngen. Keıіn barlyǵy oblystyq aýrýhanaǵa aýystyrylǵan.
Balyqtan ýlanǵan otbasy múshelerіnіń arasynda medıtsınalyq kómekke keıіnіrek júgіngen 5 jastaǵy bala da bolǵan. Ol emіn tolyq aıaqtap, aýrýhanadan úıіne shyǵaryldy.
Buǵan deıіn balyqtan ýlanǵannan keıіn Aqtaýda aýrýhanaǵa túsken 9 jastaǵy balanyń týystary da kómek suraǵany habarlanǵan edі. Balanyń jaǵdaıy aýyr bolǵan.
Material avtory
