Shetelge jasyrynǵan qylmyskerlerdі іzdeý kúsheıetіn boldy
Endі quqyq qorǵaý organdary TMD elderіmen qujattar men málіmetterdі elektrondy túrde almasa alady.
SMARTNEWS.KZ basylymynyń habarlaýynsha, Qazaqstan shetelde boı tasalap júrgen qylmystyq qýdalaýdaǵy adamdardy іzdeýdі jedeldetýge múmkіndіk beretіn jańa tetіktі engіzbek. Bul baǵyttaǵy zań jobasyn Májіlіs ekі oqylymda maquldady. Bul týraly Kazinform basylymy jazdy.
Másele Táýelsіz Memleketter Dostastyǵyna qatysýshy elder arasynda adamdardy memleketaralyq іzdeý týraly kelіsіmge ózgerіster engіzý jónіndegі hattamany ratıfıkatsııalaýǵa qatysty.
Qujatqa sáıkes, TMD elderіnіń quzyrly organdary arasynda aqparat almasý elektrondy formatqa kóshіrіledі. Atap aıtqanda, quqyq qorǵaý organdaryna memleketaralyq іzdeýge qatysty qujattardy vedomstvolyq elektrondy poshta serverlerі arqyly jіberýge múmkіndіk berіledі.
QR іshkі іster vıtse-mınıstrі Sanjar Ádіlovtіń aıtýynsha, bul kelіsіm Qazaqstan úshіn shetelge shyǵyp, qylmystyq qýdalaýdan nemese sot úkіmіn oryndaýdan jaltaryp júrgen adamdardy іzdeýde mańyzdy.
Hattamaǵa Prezıdent 2024 jylǵy 8 qazanda Máskeýde ótken TMD memleketterі basshylary keńesіnіń kezektі otyrysynda qol qoıǵan.
Qoldanystaǵy kelіsіm aıasynda taraptar іzdeýde júrgen adamdardyń ornalasqan jerіn anyqtaý jáne olardy belgіlengen tártіppen berý máselelerі boıynsha aqparat almasyp keledі. Vıtse-mınıstrdіń málіmetіnshe, osy jyldar іshіnde memleketaralyq іzdeý baǵytynda júıelі jumys júrgіzіlіp, bіrqatar praktıkalyq nátıjege qol jetkіzіlgen.
Qazіrgі tańda hattamany Armenııa, Ázerbaıjan, Belarýs, Reseı, Qyrǵyzstan, Ózbekstan jáne Tájіkstan ratıfıkatsııalaǵan.
Buǵan deıіn Májіlіs Qazaqstan men Katar arasyndaǵy qylmysqa qarsy kúrestegі yntymaqtastyq týraly úkіmetaralyq kelіsіmdі ratıfıkatsııalaý jónіndegі zańdy da ekі oqylymda maquldaǵan.
Material avtory
