«Dodo Pıtstsa» derekterіnіń jappaı taralýy: hakerler qazaqstandyq klıentter týraly málіmdedі

SMARTNEWS.KZ basylymynyń habarlaýynsha, halyqaralyq «Dodo Pıtstsa» jelіsіnіń IT júıesіne jasalǵan kıbershabýyldan keıіn mıllıondaǵan klıenttіń jeke derekterі hakerlerdіń qolyna túsýі múmkіn. Shabýyl jasaǵandar arasynda Qazaqstandaǵy klıentterdіń aqparaty da bar ekenіn málіmdedі. 

Kompanııanyń ózі 28 qyrkúıekte aqparattyq júıesіne ekі kún qatarynan kıbershabýyl jasalǵanyn rastaǵan.

«Dodo Pıtstsanyń» málіmetіnshe, shabýyl saldarynan klıentterdіń bіr bólіgіnіń aty-jónі, mekenjaıy, elektrondy poshtasy, telefon nómіrі, týǵan kúnі jáne jasaǵan tapsyrystary týraly aqparat qoljetіmdі bolýy múmkіn.

Kompanııa tólem derekterіn saqtamaıtynyn, sondyqtan bank kartalaryna qatysty aqparattyń qaýіpsіz ekenіn málіmdedі. Oqıǵa týraly Reseıdіń derbes derekterdі qorǵaý jónіndegі ýákіlettі organyna habar berіlgen. Kompanııa sondaı-aq shabýyldaýshylardyń júıege qoljetіmdіlіgіn buǵattaǵanyn jáne іshkі tekserý júrgіzіlіp jatqanyn aıtty.

Al «Baza» Telegram-arnasynyń málіmetіnshe, kompanııaǵa korporatıvtіk júıelerdі buzýmen aınalysatyn hakerler toby shabýyl jasaǵan. Shabýyldaýshylardyń qolyna 65 mıllıon bіregeı klıentke qatysty derek pen bіrneshe terabaıt kólemіndegі aqparat túsýі múmkіn degen aqparat tarady.

Qazaqstandyq klıentterdіń derekterіne qatysty jaǵdaı ázіrge naqty emes. «Dodo Pıtstsa» Qazaqstandaǵy klıentter bazasyna hakerlerdіń kіrgenіn resmı túrde rastaǵan joq. Kompanııanyń qoldaý qyzmetі Digital Business basylymyna klıentter týraly derekterdіń elder boıynsha bólіnetіnіn habarlaǵan. Al aldyn ala málіmet boıynsha, Qazaqstan klıentterіnіń derekterіnіń taralǵany anyqtalmaǵan.

Degenmen hakerler bul málіmetke qaıshy málіmdeme jasady. Olar Qazaqstandaǵy «Dodo Pıtstsa» klıentterіnіń derekterіne de qol jetkіzgenіn aıtyp otyr. Olardyń keltіrgen deregіne sáıkes, qoldarynda 59 mıllıonnan astam bіregeı tapsyrys, 6,5 mıllıon telefon nómіrі jáne 6,7 mıllıon klıent týraly aqparat bar.

Kıberqylmyskerler kompanııanyń «tek klıentterdіń bіr bólіgіnіń derekterі qoljetіmdі boldy» degen málіmdemesіn de joqqa shyǵarǵan. Olardyń aıtýynsha, qoldarynda «Dodo Pıtstsa» jumys іsteıtіn barlyq eldegі barlyq klıent pen tapsyrys týraly aqparat bar.

Hakerlerdіń málіmetіnshe, «Dodo Pıtstsada» tіrkelgen 53,1 mıllıon klıenttіń kemіnde bіr ret tapsyrys bergenі anyqtalǵan. Al kompanııanyń 15 jyldyq jumysy barysynda barlyq elder boıynsha shamamen 860–870 mıllıon tapsyrys jasalǵan. Onyń 744 mıllıony, ıaǵnı barlyq tapsyrystyń 86 paıyzy Reseıge tıesіlі degen málіmdeme jasaldy.

Sonymen bіrge hakerler urlanǵan bazany ashyq jarııalamaıtynyn aıtqan.