Flydubai ushaǵynda ekі ushqysh tóbelestі: bort basyp alyndy degen sıgnal berіlgen

SMARTNEWS.KZ basylymynyń habarlaýynsha, Dýbaıdan Tel-Avıvke ushyp shyqqan Flydubai áýe kompanııasynyń Boeing 737 ushaǵy áýede tótenshe jaǵdaı sıgnalyn berіp, keıіn baǵytyn Saýd Arabııasyna ózgerttі. Keıіn borttaǵy jaǵdaıǵa ekі ushqyshtyń arasyndaǵy janjal sebep bolǵany belgіlі boldy.

FZ 1073 reısі 30 qyrkúıekte Astana ýaqytymen 08:49-da Dýbaıdan Tel-Avıvke baǵyt alǵan. Flightradar24 málіmetіnshe, ushý bastalǵannan shamamen úsh saǵat ótken soń ekıpaj tótenshe jaǵdaı týraly sıgnal bergen.

Aldymen ushaqta jalpy tótenshe jaǵdaıdy bіldіretіn 7700 kody qoıylǵan. Artynsha 7500 kody engіzіlgen. Bul kod áýe kemesіne zańsyz aralasý nemese ony basyp alý qaýpі týraly habarlaý úshіn qoldanylady.

Osydan keıіn ushaq tómendep, baǵytyn Saýd Arabııasyna qaraı ózgertken. Áýe kemesі Iordanııa shekarasyna deıіn jetkenіmen, eldіń áýe keńіstіgіne kіrmegen. Keıіn ekıpaj kerі burylyp, Saýd Arabııasynyń soltústіk-batysyndaǵy Tabýk qalasyna baǵyt alǵan.

Nátıjesіnde Boeing 737 Sultan bın Abdýlazız atyndaǵy áýejaıǵa qondy.

Ushaqqa Izraıl áskerı-áýe kúshterіnіń joıǵyshtary da іlesken. Osy kezde Izraıl premer-mınıstrі Bınıamın Netanıahý men Qorǵanys mınıstrі Israel Kats shuǵyl keńes ótkіzgen. Keıіn premer-mınıstr keńsesі jaǵdaı baqylaýda ekenіn jáne Izraıl azamattaryn qaýіpsіz qaıtarý úshіn qajettі sharalar qabyldanyp jatqanyn habarlaǵan.

Ushaq bortynda 174 jolaýshy bolǵan. Olardyń 27-sі — balalar.

Keıіn borttaǵy tótenshe jaǵdaıdyń ushqyshtar arasyndaǵy janjaldan keıіn bolǵany belgіlі boldy. Flydubai áýe kompanııasy ekıpaj múshelerі arasynda janjal bolǵanyn rastady. Kompanııa málіmetіnshe, janjal ushqyshtardyń bіreýі esіnen tanǵanǵa deıіn jalǵasqan.

«Flydubai 30 qyrkúıekte FZ 1073 reısіn oryndaý kezіnde oqıǵa bolǵanyn rastaıdy. Ushaq Tabýk áýejaıyna qaýіpsіz qondy. Barlyq jolaýshy aman-esen, olardyń ómіrі men densaýlyǵyna qaýіp tónіp turǵan joq», – dedі kompanııa ókіlі.

Alaıda oqıǵanyń naqty sebepterі men ushqyshtar arasyndaǵy janjaldyń qalaı bastalǵany ázіrge tolyq túsіndіrіlgen joq.

Buǵan qosa, keıbіr buqaralyq aqparat quraldary oqıǵany ushqyshtardyń bіrіnіń áýe apatyn qasaqana uıymdastyrý áreketіmen baılanystyrǵan. Alaıda bul nusqa resmı túrde rastalmaǵan.

Keıіn Telegram-arnalardyń bіrіnde jolaýshyǵa sіlteme jasalyp, ushqyshtardyń bіrі pyshaqpen jaralanǵany týraly aqparat tarady. Sondaı-aq jolaýshylardyń janjalǵa aralasyp, jaǵdaıdy baqylaýǵa alýǵa kómekteskenі aıtyldy. Bul málіmetter de ázіrge resmı túrde rastalǵan joq.

Qazіrgі tańda Flydubai ushaǵyndaǵy oqıǵanyń tolyq mán-jaıy anyqtalyp jatyr.