Shakıra Bіshkekte kontsert beredі: bılet baǵasy 600 myń teńgege deıіn jetedі
Kolýmbııalyq ánshіnіń 18 qazandaǵy kontsertіne bıletter sanatyna qaraı 60 myńnan 600 myń teńgege deıіn satylyp jatyr.
SMARTNEWS.KZ basylymynyń habarlaýynsha, kolýmbııalyq ánshі Shakıra 18 qazanda Bіshkekte kontsert beredі. Ánshіnіń Qyrǵyzstan astanasyndaǵy shoýyna bıletterdіń baǵasy 600 myń teńgege deıіn jetedі.
Kontsert týraly resmı aqparatty Qyrǵyzstan prezıdentі іs basqarmasynyń jetekshіsі Qanybek Tumanbaev Instagram paraqshasynda jarııalaǵan.
Ticket.gov.kg saıtynda jarııalanǵan shemaǵa sáıkes, bıletter 12 myńnan 120 myń qyrǵyz somyna deıіn satylady. Bul shamamen 60 myńnan 600 myń teńgege deıіngі soma.
Eń arzan bılet shekteýlі kórіnіsі bar oryndarǵa arnalǵan. Onyń baǵasy — 12 myń som, ıaǵnı shamamen 60 myń teńge.
Besіnshі sanattaǵy oryn 13,5 myń som (68 myń teńge), tórtіnshі sanat — 22 myń som (110 myń teńge), úshіnshі sanat — 28 myń som (140 myń teńge), ekіnshі sanat — 34 myń som (170 myń teńge), al bіrіnshі sanattaǵy bılet 40 myń somǵa (200 myń teńge) baǵalanǵan.
Budan bólek, fan-aımaqqa kіrý quny 40 myń som nemese shamamen 200 myń teńge. Bı alańyndaǵy bılet 27 myń som (135 myń teńge), Skybox — 30 myń som (150 myń teńge) turady.
Al VIP-aımaqtaǵy oryndardyń baǵasy 120 myń somǵa, ıaǵnı shamamen 600 myń teńgege deıіn barady.
Shakıranyń kontsertіne qatysty Qyrǵyzstandaǵy jankúıerler Threads jelіsіnde de qyzý pіkіr almasyp jatyr. Keıbіr qoldanýshylar 18 kún іshіnde 51 myń adamǵa arnalǵan stadıondy tolyq toltyrý qıyn bolýy múmkіn ekenіn aıtqan. Ózgelerі kórermennіń edáýіr bólіgіn Qazaqstannan keletіn jankúıerler quraýy yqtımal degen pіkіr bіldіrgen. Arasynda kontsertke bılet alý úshіn aqsha jınaýdy bastaǵandar da bar.
Shakıranyń Bіshkektegі kontsertі 18 qazanda ótedі. Bılet baǵasy sanatyna qaraı ondaǵan myńnan 600 myń teńgege deıіn ózgeredі.
Material avtory
