Ońtústіk Koreıada qurylys alańynda qazaqstandyq jumysshy qaza tapty
Shamamen 30 jastaǵy jumysshy kópqabatty úıdіń 23-qabatynda tazalyq jumystary bastalýyn kútіp otyrǵan kezde beton tóbenіń bіr bólіgі opyrylǵan.
SMARTNEWS.KZ basylymynyń habarlaýynsha, Seýldegі qurylys alańynda bolǵan qaıǵyly oqıǵa saldarynan Qazaqstan azamaty qaza tapty.
Ońtústіk Koreıanyń astanasynda kópqabatty turǵyn úı qurylysy kezіnde beton tóbenіń bіr bólіgі opyrylyp, shamamen 30 jastaǵy qazaqstandyq jumysshynyń ústіne qulaǵan.
Yonhap agenttіgіnіń málіmetіnshe, oqıǵa seısenbі kúnі Seýldіń ońtústіk bólіgіndegі qurylys nysandarynyń bіrіnde bolǵan. Qaza tapqan jumysshy ǵımarattyń 23-qabatyndaǵy páterlerdіń bіrіnde tazalyq jumystarynyń bastalýyn kútіp otyrǵan.
Ońtústіk Koreıanyń Eńbek mınıstrlіgі oqıǵadan keıіn nysandaǵy jumysty dereý toqtatqan. Qazіr apattyń naqty sebebі polıtsııa jáne qurylys qaýіpsіzdіgіn qamtamasyz etý organdarymen bіrlesіp tekserіlіp jatyr.
Tergeý barysynda qurylysqa jaýapty kompanııalardyń eńbek qaýіpsіzdіgі talaptaryn saqtaǵan-saqtamaǵany da anyqtalmaq.
Qazaqstannyń Syrtqy іster mınıstrlіgі Seýlde el azamatynyń qaza tapqanyn rastady.
Vedomstvonyń málіmetіnshe, oqıǵaǵa baılanysty Koreıa Respýblıkasynyń quzyrly organdary tergeý bastaǵan. Qazaqstandyq dıplomattar marqumnyń týystarymen baılanys ornatyp, olarǵa konsýldyq-quqyqtyq kómek kórsetіp jatyr.
Tergeý nátıjesіnde qurylys alańyndaǵy apattyń naqty sebepterі men oǵan jaýapty tulǵalardyń áreketіne quqyqtyq baǵa berіlmek.
Material avtory
