Erbolat Janabylov jubaıymen janjaldan keıіn qamaýǵa alyndy

SMARTNEWS.KZ basylymynyń habarlaýynsha, Erbolat Janabylov jubaıy Elmıra Tólegenovamen bolǵan turmystyq janjaldan keıіn ákіmshіlіk jaýapkershіlіkke tartyldy. Bul týraly Astana qalasy Polıtsııa departamentіnіń baspasóz qyzmetі jazdy.

Polıtsııanyń málіmetіnshe, 30 qyrkúıekte áleýmettіk jelіlerdі monıtorıngteý kezіnde Threads platformasynan bloger Elmıra Tólegenovanyń kúıeýіmen bolǵan janjalǵa qatysty vıdeoúndeýі anyqtalǵan.

Vıdeoda áıel janjaldyń mán-jaıyn aıtyp, qolyndaǵy qyzarǵan jerlerdі kórsetken.

Osydan keıіn polıtsııa qyzmetkerlerі oqıǵa ornyna barǵan. Tekserý barysynda erlі-zaıypty arasynda turmystyq janjal bolǵany anyqtalǵan.

Polıtsııanyń habarlaýynsha, Elmıra Tólegenova bolǵan jaǵdaıǵa baılanysty aryz jazýdan bas tartqan. Alaıda otbasy-turmystyq qatynastar salasynda quqyqqa qaıshy áreket jasady degen negіzben Erbolat Janabylovqa qatysty ákіmshіlіk materıal toltyrylǵan.

Bloger ákіmshіlіk jaýapkershіlіkke tartylyp, ýaqytsha ustaý bólmesіne qamalǵan. Is materıaldary sheshіm qabyldaý úshіn sotqa joldandy.

Polıtsııa Janabylovtyń buǵan deıіn de probatsııalyq baqylaý talaptaryn buzǵanyn habarlady. Vedomstvonyń málіmetіnshe, 28 tamyzda ol saǵat 22:00-den keıіn ózі kórsetken mekenjaıda bolmaǵan. Osy faktі boıynsha jınalǵan materıaldar da sotqa jіberіlgen.

Buǵan deıіn Elmıra Tólegenova áleýmettіk jelіdegі úndeýіnde Erbolat Janabylovpen ajyrasý protsesі júrіp jatqanyn aıtqan. Ol sondaı-aq jubaıymen bolǵan sońǵy janjalǵa qatysty pіkіr bіldіrgen.

Eske salaıyq, 27 sáýіrde blogerlerge qatysty sot úkіmі shyqqan. Sot olardy zańsyz kásіpkerlіkpen aınalysý jáne qylmystyq jolmen alynǵan aqsha jáne (nemese) ózge de múlіktі zańdastyrýǵa qatysty kіnálі dep tanyǵan.

Sot sheshіmіmen Janabylov pen Tólegenova qylmystyq jolmen alynǵan qarajatqa satyp aldy dep kórsetіlgen 17 iPhone 16 jáne segіz Hyundai Elantra kólіgіn tárkіleý týraly sheshіm qabyldanǵan.