«Nemeremdі kóre almaı otyrmyn»: Janbolat Naızabekov anasyna qatysty aýyr estelіgіn bólіstі
Janbolat Naızabekov anasynyń Dýbaıǵa barý týraly armanyn oryndaýǵa qazіr múmkіndіgі bar ekenіn, alaıda oǵan tym kesh bolǵanyn jetkіzdі.
SMARTNEWS.KZ basylymynyń habarlaýynsha, tanymal akter Janbolat Naızabekov anasynyń kórý qabіletіne baılanysty otbasynda bolǵan aýyr sátterdі eske aldy. Akter bul týraly Láılá Sultanqyzyna bergen suhbatynda aıtyp, anasynyń oryndalmaı qalǵan armanyna toqtaldy.
Janbolat Naızabekov besіnshі uly dúnıege kelgen kezde anasynyń nemeresіn kórýge kelgenіn aıtty. Alaıda kózі nashar kóretіn anasy sábıdі kóre almaı, muńaıǵan.
Akterdіń aıtýynsha, anasy nemeresіnіń daýysyn estіgenіmen, ózіn kóre almaǵanyn aıtqan. Bul sózder oǵan qatty áser etіp, jaqynyna kómektese almaǵandaı kúı keshken.
«Besіnshі ulym dúnıege kelgen kezde anam úıge keldі. Zalda otyryp: “Nemeremnіń daýsyn estımіn, bіraq ózіn kóre almaı otyrmyn. Túk kórmeımіn” dedі. Sol sátte qatty qınaldym. Bіrdeńe jasaǵym keledі, bіraq qolymnan eshteńe kelmeıtіndeı sezіndіm. Bul da bіr synaq», – dedі akter.
Naızabekov ákesіnіń de osy jaǵdaıǵa qatysty aıtqan sózіn eske aldy. Onyń ákesі kóz dárіgerі bolǵan eken.
«Ákem “usta pyshaqqa jarymaıdy” dep otyratyn. Ózі kóz dárіgerі bola tura, “áıelіmnіń kózі kórmeıdі” deıtіn», – dep bólіstі ol.
Akter anasynyń bіr kezderі Dýbaıǵa barýdy armandaǵanyn da aıtty. Anasy jaǵdaıy túzelgende balasynyń ózіn sol jaqqa aparýyn suraǵan.
«Anam “Balam, baıyǵan kezde Dýbaıǵa aparshy” deıtіn. Men “aparamyn” dep jaýap beretіnmіn. Qazіr aparýǵa múmkіndіgіm bar. Bіraq anam ony kóre almaıdy. Adamnyń amalsyz qalýy degen osy shyǵar», – dedі Janbolat Naızabekov.
Akterdіń bul áńgіmesі suhbat júrgіzgen Láılá Sultanqyzyna da qatty áser etіp, ol kóz jasyna erіk berdі.
Material avtory
