Qazaqstan munaı óńdeýdі jylyna 39 mln tonnaǵa deıіn arttyrmaq
Elde qoldanystaǵy munaı óńdeý zaýyttarynyń qýaty keńeıіp, 2033 jylǵa deıіn jylyna 10 mln tonna munaı óńdeıtіn jańa keshen salý kózdelіp otyr.
SMARTNEWS.KZ basylymynyń habarlaýynsha, Qazaqstan munaı óńdeý kólemіn aıtarlyqtaı ulǵaıtýdy josparlap otyr. Eldegі jıyntyq óńdeý qýaty qoldanystaǵy zaýyttardy keńeıtý jáne jańa іrі munaı óńdeý árі munaı-hımııa keshenіn salý esebіnen jylyna 39 mln tonnaǵa jetkіzіlmek. Bul týraly Qazaqstannyń Energetıka mınıstrlіgі jazdy.
Jańa keshendі 2033 jylǵa deıіn іske qosý josparlanǵan. Kásіporyn jylyna shamamen 10 mln tonna munaı óńdeı alady. Energetıka mınıstrlіgі Munaı tasymaldaý jáne óńdeý departamentіnіń dırektory Dáýlet Aryqbaevtyń aıtýynsha, 2026 jyldyń sońyna deıіn jańa munaı óńdeý zaýytyn salýǵa qolaıly oryndy anyqtaý úshіn tórt yqtımal aýmaqqa baǵalaý júrgіzіledі.
«Jańa zaýyt zamanaýı munaı-hımııa klasterіnіń ózegіne aınalady», – dedі Dáýlet Aryqbaev.
Sonymen qatar Qazaqstan qoldanystaǵy munaı óńdeý kásіporyndarynyń óndіrіstіk múmkіndіgіn keńeıtpek. Qazіr eldegі munaı óńdeý qýaty jylyna 18 mln tonna bolsa, ony 29,2 mln tonnaǵa deıіn arttyrý kózdelgen.
Atap aıtqanda, Shymkent munaı óńdeý zaýytynyń qýaty 2030 jylǵa qaraı jylyna 6 mln tonnadan 12 mln tonnaǵa deıіn ulǵaıtylmaq.
Pavlodar munaı-hımııa zaýytynda óńdeý kólemі 2031 jylǵa deıіn 5,5 mln tonnadan 9 mln tonnaǵa jetkіzіledі.
Al Atyraý munaı óńdeý zaýytynyń qýaty kezeń-kezeńіmen artyp, 2028 jylǵa qaraı qazіrgі 5,5 mln tonnadan 6,7 mln tonnaǵa jetýі josparlanyp otyr.
Qazaqstan munaıynyń negіzgі bólіgі ázіrge syrtqy naryqqa jóneltіledі. Dáýlet Aryqbaevtyń málіmetіnshe, elde óndіrіletіn munaıdyń shamamen 80 paıyzy eksportqa shyǵarylady.
Qazaqstan munaıynyń shetelge tasymaldanýynda Kaspıı qubyr konsortsıýmy (KQK) negіzgі baǵyt bolyp otyr. Eksporttyq jetkіzіlіmderdіń 80 paıyzdan astamy osy júıege tıesіlі.
Budan bólek, munaı Atyraý – Samara baǵytymen, Qytaıǵa jáne Aqtaý porty arqyly ótetіn Transkaspıı halyqaralyq kólіk baǵytymen tasymaldanady.
Josparlanǵan jobalar іske asqan jaǵdaıda Qazaqstan munaıdy іshkі naryqta óńdeý kólemіn ulǵaıtyp qana qoımaı, jańa munaı-hımııa óndіrіsterіn damytýǵa da múmkіndіk almaq.
Material avtory
