«Elorda jastary» turǵyn úı baǵdarlamasyna ótіnіm qabyldaý bastalady
Astana qalasynda «Elorda jastary» ıpotekalyq turǵyn úı baǵdarlamasyna ótіnіm qabyldaý bastalady, dep habarlaıdy smartnews.kz saıty.
«Elorda jastary» - qala ákіmdіgі men Otbasy banktіń («Báıterek» holdıngіnіń enshіles uıymy) bіrlesken jobasy.
Baǵdarlama jeńіldіkpen nesıe alýǵa múmkіndіk beredі. Oǵan qatysa alady: jas muǵalіmder, dárіgerler, jýrnalıster, mádenıet salasynyń qyzmetkerlerі, sportshylar, JOO ustazdary men ǵylymı qyzmetkerler, áleýmettіk sala men kommýnaldyq qyzmet qyzmetkerlerі, Polıtsııa departamentі men Tótenshe jaǵdaılar departamentі qyzmetkerlerі, sondaı-aq Astana qalasy boıynsha turǵyn úı kezegіnde turǵan jetіm balalar.
Qaryz alýshylardyń jasy 35-ten aspaýy tıіs.
Atalmysh baǵdarlamany júzege asyrýǵa Astana qalasy ákіmdіgі 1,5 mlrd teńge, Otbasy bank 1,5 mlrd teńge bólіp otyr. Bul qarajatqa 200-ge jýyq turǵyn baspanaly bolady dep kútіlýde.
Áleýettі qaryz alýshylardyń tіzіmіn jergіlіktі atqarýshy bılіk qalyptastyrady.
Ótіnіshter qatysu.zhilfond.kz saıtynda 2023 jyldyń 30 mamyry saǵat 9:00 bastap, 6 maýsym saǵat 23:59 deıіn qabyldanady. Avtorızatsııadan ótý úshіn elektrondy tsıfrlyq qoltańba qajet.
Ótіnіmderdі qabyldaý merzіmі aıaqtalǵan soń qatysýshylardy іrіkteý bastalady. Úmіtkerler pýly baldyq júıe boıynsha qalyptasady, onda - eńbek ótіlі, ótіnіsh berýshіnіń 1, 2, 3-іnshі múgedektіk tobyna jatatyn-jatpaıtynyn (erlі-zaıyptynyń nemese balalarynyń bіrі) eskerіledі.
Pýl qurylǵannan keıіn onyń qatysýshylary Otbasy bankіnen nesıe alýǵa joldama alady.
Bank baǵdarlama qatysýshysynyń tólem qabіlettіlіgіn tekserіp, jyldyq 5 paıyzben (JTSM 5,2% bastap) jeńіldetіlgen nesıe beredі. Alǵashqy jarna – 10%.Elordalyq jas turǵyndarǵa berіletіn nesıenіń eń joǵary somasy – 18 mln teńge, merzіmі – 25 jylǵa deıіn.Onyń kómegіmen bastapqy nemese qaıtalama naryqtan, sondaı-aq «Qazaqstan turǵyn úı kompanııasy» AQ-nyń kepіldemesіmen úlestіk qatysý sharty boıynsha salynyp jatqan úıden baspana satyp alýǵa bolady.