«Ózіmnіń ıtіm, ózіm bіlemіn»: Almatyda áıel ıtіn ótіp bara jatqan adamǵa laqtyrǵan

SMARTNEWS.KZ basylymynyń habarlaýynsha, Almatyda áıeldіń ıttі ótіp bara jatqan adamǵa qaraı laqtyryp, keıіn janýardy jaǵasynan súıregen sátі túsіrіlgen vıdeo áleýmettіk jelіde tarady. Oqıǵadan keıіn kýágerler ıttі áıelden alyp, veterınarlyq klınıkaǵa jetkіzgen.

Vıdeoda áıeldіń ıttі qarǵybaýynan ustap turǵany kórіnedі. Keıіn ol janýardy aldynda ketіp bara jatqan er adamǵa qaraı laqtyryp, artynan ıttі jaǵasynan tartyp áketken.

Áleýmettіk jelі qoldanýshylarynyń jazýynsha, bul áıeldіń janýarǵa qatygezdіk tanytqany týraly alǵashqy jaǵdaı emes. Buǵan deıіn jarııalanǵan jazbalarda onyń ıttі uryp-soqqany jáne qylqyndyryp qınaǵany aıtylǵan. Alaıda bul málіmetter ázіrge áleýmettіk jelіdegі jazbalarǵa súıenedі.

Jelіde taraǵan vıdeoda áıel janýarǵa qatysty dórekі sózder aıtyp, ony shabýyldaýǵa ıtermeleıtіn buıryq qoldanǵany da kórіnedі.

Kýágerler ıttі alyp ketken

Oqıǵadan keıіn bіrneshe er adam ıttі áıelden alyp, qaýіpsіz jerge jetkіzgen.

«It bіzde. Ony tamaqtandyryp, bіrden veterınarǵa apardyq. Qazіr oǵan jańa otbasy іzdep jatyrmyz», – dep habarlady kýágerler.

Polıtsııa tekserý bastady

Almaty qalasy polıtsııa departamentіnіń málіmetіnshe, oqıǵanyń mán-jaıyn Áýezov aýdandyq polıtsııa basqarmasynyń qyzmetkerlerі anyqtap jatyr.

Polıtsııanyń habarlaýynsha, vıdeoda áıeldіń qolyndaǵy ıttі ótіp bara jatqan adammen janjal kezіnde paıdalanǵany baıqalady. Qazіr oqıǵaǵa qatysýshylardyń jeke basy men bolǵan jaǵdaıdyń barlyq mán-jaıy anyqtalýda. Onyń іshіnde janýarǵa qatysty jasalǵan áreketter de tekserіlіp jatyr.

Tekserý qorytyndysy boıynsha áıeldіń áreketіne quqyqtyq baǵa berіlіp, tıіstі protsessýaldyq sheshіm qabyldanady.

Polıtsııa janýarlarǵa qatygezdіk kórsetýge jol berіlmeıtіnіn eske saldy. Vedomstvo ár adamnyń janýarlarǵa gýmanıstіk árі jaýapkershіlіkpen qarap, olardyń zardap shegýіne nemese zııan kelýіne ákeletіn áreketterge jol bermeýі tıіs ekenіn atap óttі.