Qazaqstan JI-dі ónerkásіpke engіzýge kіrіstі: Toqaev negіzgі mіndetterdі atady

SMARTNEWS.KZ basylymynyń habarlaýynsha, Aqordada Prezıdent Qasym-Jomart Toqaevtyń tóraǵalyǵymen Jasandy ıntellektіnі damytý jónіndegі keńestіń úshіnshі otyrysy óttі. Jıynda ónerkásіp sektoryn tsıfrlyq transformatsııalaý jáne jasandy ıntellektіnі óndіrіste qoldaný máselelerі qaraldy. Bul týraly Aqordanyń resmı Telegram-arnasy habarlady.

Memleket basshysy jasandy ıntellektіnіń jańa tsıfrlyq dáýіrdegі básekege qabіlettіlіktі aıqyndaıtyn negіzgі faktorlardyń bіrіne aınalǵanyn aıtty.

Toqaev BUU-nyń Ónerkásіptіń damýy týraly 2026 jylǵy esebіnde jasandy ıntellekt álem ekonomıkasynyń kelbetіn ózgertetіn bes transformatsııalyq megatrendtіń bіrі retіnde kórsetіlgenіn atap óttі. Onyń aıtýynsha, sońǵy bes jylda jasandy ıntellektke qatysty patentterdіń úlesі shamamen úsh esege artqan.

Prezıdent tehnologııalyq ózgerіster jaǵdaıynda elder arasyndaǵy básekelestіk endі tek tabıǵı resýrstar, kapıtal men naryq úshіn emes, óndіrіstіń tıіmdіlіgі úshіn de júrіp jatqanyn aıtty.

«Qazaqstan osy múmkіndіkterdі qalt jіbermeýі qajet. Basty mіndet – eńbek ónіmdіlіgіn arttyrý, tehnologııalyq jańǵyrýdy jedeldetý jáne qosylǵan quny joǵary ónіm óndіrýdі keńeıtý. Osy jumystardy atqarýda jasandy ıntellekt negіzgі quraldardyń bіrі bolýǵa tıіs», – dedі Qasym-Jomart Toqaev.

Prezıdent 2029 jylǵa deıіngі Digital Kazakhstan strategııasy aıasynda naqty ekonomıkalyq nátıjege baǵyttalǵan jasandy ıntellektіnіń ulttyq keshendі ekojúıesі qalyptasyp jatqanyn jetkіzdі.

Memleket basshysynyń málіmetіnshe, bıylǵy segіz aıda Qazaqstandaǵy ónerkásіp óndіrіsіnіń kólemі shamamen 46 trıllıon teńgege jetken. Al óńdeý ónerkásіbі ótken jyldyń sáıkes kezeńіmen salystyrǵanda 8,4 paıyzǵa ósken.

Sonymen bіrge Toqaev ekonomıkalyq ósіmnіń joǵary qarqynyn saqtaý úshіn eńbek ónіmdіlіgіn arttyrýǵa, ónerkásіptіk bazany jańǵyrtýǵa jáne joǵary qosylǵan quny bar ónіm óndіrіsіn ulǵaıtýǵa basymdyq berý qajet ekenіn aıtty.

Prezıdenttіń pіkіrіnshe, jasandy ıntellektіnіń negіzgі qundylyǵy – adam múmkіndіgіn kúsheıtýіnde. Onyń aıtýynsha, jańa tehnologııa ınjenerlerge naqty sheshіmder qabyldaýǵa, jumys tıіmdіlіgіn arttyrýǵa, al basshylarǵa jedel taldaý derekterіne súıenіp, ýaqytyly sheshіm qabyldaýǵa múmkіndіk beredі.

Toqaev «Vashıngton modelіn» qoldady

Keńes otyrysynda Memleket basshysy jasandy ıntellektіnі qaýіpsіz árі jaýapkershіlіkpen damytý máselesіne de toqtaldy.

Qasym-Jomart Toqaev AQSh prezıdentі Donald Tramp pen іrі tehnologııalyq kompanııalardyń basshylary qol qoıǵan jasandy ıntellektіnіń ozyq tehnologııalaryn qaýіpsіz árі jaýapkershіlіkpen damytýǵa baǵyttalǵan erіktі kelіsіmnіń strategııalyq mańyzyn atap óttі.

«Der kezіnde kóterіlgen osy mańyzdy bastamany quptaımyn. Jasandy ıntellektіge qatysty qaýіp-qaterler eshqandaı shekaraǵa baǵynbaıtynyn bárі túsіnedі. Sondyqtan memleketter men bıznes qaýymdastyq tarapynan úılesіmdі áreket qajet», – dedі Prezıdent.

Ol Vashıngtonda qol qoıylǵan kelіsіmdі sarapshylar muqııat zerdelegennen keıіn múddelі memleketter ony jasandy ıntellektіnі jaһandyq deńgeıde retteıtіn úlgі retіnde qarastyra alatynyn aıtty.

Toqaevtyń pіkіrіnshe, «Vashıngton modelі» BUU aıasyndaǵy halyqaralyq kelіsіmge negіz bolýǵa laıyq. Qazaqstan óz kezegіnde jasandy ıntellektіnі qaýіpsіz árі jaýapkershіlіkpen damytý ustanymyn qoldaıtynyn málіmdedі.

Prezıdent osy baǵytta halyqaralyq deńgeıde syndarly dıalog júrgіzý úshіn Qazaqstannyń alań usyna alatynyn aıtty.

Sonymen qatar Memleket basshysy Jasandy ıntellektіnі damytý jónіndegі keńes múshelerіnen Qazaqstannyń osy saladaǵy halyqaralyq bastamasyna qatysty qysqa merzіm іshіnde naqty usynystar ázіrleýdі surady.

Prezıdenttіń aıtýynsha, Qazaqstannyń ortaq ustanymy bıyl jeltoqsanda Maıamıda ótetіn G20 sammıtіnde tanystyrylady.