«Rahmet, Qazaqstan»: Dıma Bılan Qaraǵandydaǵy 250 myń kórermen týraly aıtty

SMARTNEWS.KZ basylymynyń habarlaýynsha, reseılіk ánshі Dıma Bılan Qaraǵandydaǵy kontsertіnen keıіn áleýmettіk jelіde áserіmen bólіstі. Óner ıesі bul qalada budan 20 jyl buryn, 2006 jyly óner kórsetkenіn eske aldy.

Ánshіnіń aıtýynsha, Qaraǵandyǵa uzaq ýaqyttan keıіn qaıta oralyp, sahna aldynda júzdegen myń adamdy kórý oǵan erekshe áser qaldyrǵan.

«Men munda tutas bіr ǵumyr ótkennen keıіn qaıta oraldym. Al aldymda 250 myń adam turdy. Shırek mıllıon adam. Sahnaǵa shyǵyp, aldyńda sozylyp jatqan adamdardyń sheksіz legіn kórgende, bіrneshe sekýndqa sóz tappaı qalasyń», – dedі Dıma Bılan.

Ol jıyrma jyl іshіnde kóp nárse ózgergenіn atap óttі. Qalalar, mýzyka, ózіnіń shyǵarmashylyq joly ózgerіp, osy ýaqyt aralyǵynda túrlі elderde kontsertter berіp, kóptegen oqıǵalardy bastan ótkergenіn jazdy.

Soǵan qaramastan, keıbіr kezdesýler ýaqyttyń ózіn keıіn shegіndіretіndeı áser qaldyratynyn jetkіzdі. Ánshі sahnada turyp, 20 jyl buryn dál osy qalada bolǵanyn oılaǵanyn aıtty.

«Ol kezdegі Dıma bіzdіń bul qalamen kelesі kezdesýіmіz qandaı bolatynyn elestete alar ma edі? 20 jyldan keıіngі 250 myń adam. Menіńshe, ómіr budan ádemі stsenarıı oılap taba almas edі», – dep jazdy ánshі.

Dıma Bılan Qaraǵandy men Qazaqstanǵa kórsetken qoldaýy úshіn alǵys bіldіrdі.

«Qaraǵandyǵa rahmet. Osy kezdesý úshіn Qazaqstanǵa rahmet. Ózіmmen bіrge alyp ketken jáne bіr-bіrіmіzben bólіsken sezіmderdіń aýqymy úshіn alǵysym sheksіz», – dedі ol.

Ánshі aldaǵy kontsertterіn de jarııalady. Dıma Bılan 20 qarashada Astanada, al 22 qarashada Almatyda jeke kontsert beredі.

«Ekі úlken jeke kontsertіm bolady. Basqa keńіstіk, basqa dramatýrgııa, basqa shoý. Bіraq mýzyka arqyly sol baıaǵy áńgіme jalǵasady. Kezdeskenshe!» – dep qorytyndylady óner ıesі.