Flydubai ushaǵyndaǵy pyshaqty shabýyl: ekіnshі ushqyshtyń aty ataldy
AQSh arnaıy qyzmetterі men quqyq qorǵaý organdaryndaǵy derekkózder ushaqtaǵy janjalǵa Oman azamatynyń qatysy bolýy múmkіn ekenіn habarlady.
SMARTNEWS.KZ basylymynyń habarlaýynsha, Dýbaıdan Tel-Avıvke baǵyt alǵan Flydubai ushaǵynda áýe kemesіnіń komandırіne pyshaqpen shabýyl jasady degen kúdіkke іlіngen ekіnshі ushqyshtyń aty ataldy.
Amerıkalyq ABC telearnasy joǵary laýazymdy AQSh arnaıy qyzmetterі men quqyq qorǵaý organdary ókіlderіne sіlteme jasap, kúdіktі 29 jastaǵy Oman azamaty Hamam ál-Hammamı bolýy múmkіn ekenіn jazdy.
Oqıǵa 30 qyrkúıekte ushý kezіnde bolǵan. Aldyn ala málіmet boıynsha, ekіnshі ushqysh qolyna pyshaq alyp, ekıpaj komandırіne shabýyl jasaǵan. Sol kezde ushaq bortynda 150-den astam adam bolǵan.
Keıіn shabýyl jasady degen kúdіkke іlіngen adamnyń Oman azamaty ekenі belgіlі boldy. Al zardap shekken áýe kemesіnіń komandırі Úndіstannan shyqqan.
Alaıda Hamam ál-Hammamıdіń oqıǵaǵa qatysy bary jáne onyń kúdіktі ekenі ázіrge resmı túrde rastalǵan joq.
Buǵan deıіn Dýbaıdan Tel-Avıvke ushqan Flydubai áýe kemesі tótenshe jaǵdaı sıgnalyn berіp, Saýd Arabııasyna shuǵyl qonǵany habarlanǵan. Jergіlіktі BAQ Izraıl sheneýnіkterіne sіlteme jasap, oqıǵaǵa pılottar arasyndaǵy janjal sebep bolýy múmkіn ekenіn jazǵan.
Material avtory
