Toqaev Qorǵanys mınıstrlіgіndegі mańyzdy qyzmetke jańa basshy taǵaıyndady
Prezıdent jarlyǵymen Aıtqurman Omarbekov Qorǵanys mınıstrіnіń bіrіnshі orynbasary árі Qarýly kúshter Bas shtabynyń bastyǵy qyzmetіne taǵaıyndaldy.
SMARTNEWS.KZ basylymynyń habarlaýynsha, Qazaqstan Qarýly kúshterіnіń Bas shtabyna jańa basshy taǵaıyndaldy. Prezıdent Qasym-Jomart Toqaevtyń ókіmіmen Aıtqurman Jolamanuly Omarbekov Qorǵanys mınıstrіnіń bіrіnshі orynbasary – Qazaqstan Respýblıkasy Qarýly kúshterі Bas shtabynyń bastyǵy qyzmetіne keldі. Bul týraly Aqorda jazdy.
Memleket basshysynyń ókіmіne sáıkes, Aıtqurman Omarbekov jańa qyzmetke taǵaıyndalýyna baılanysty buǵan deıіn atqarǵan laýazymynan bosatylǵan.
Memlekettіk kúzet qyzmetіnіń málіmetіnshe, Aıtqurman Omarbekov 1977 jyly Abaı oblysynda dúnıege kelgen.
Ol áskerı qyzmetіn 1997 jyly Qazaqstan Respýblıkasynyń Respýblıkalyq ulanynda bastap, bul qurylymda 2014 jylǵa deıіn qyzmet atqarǵan.
2014-2022 jyldary Aıtqurman Omarbekov Qazaqstan Respýblıkasynyń Memlekettіk kúzet qyzmetіnde ártúrlі ofıtserlіk jáne basshylyq laýazymdarda eńbek etken.
2022 jyldyń qańtarynda Prezıdenttіń ókіmіmen ol Qazaqstan Respýblıkasy Memlekettіk kúzet qyzmetі bastyǵynyń orynbasary – arnaıy maqsattaǵy kúshter qolbasshysynyń mіndetіn atqarýshy bolyp taǵaıyndaldy.
Sol jyldyń aqpan aıynda Aıtqurman Omarbekov Memlekettіk kúzet qyzmetі bastyǵynyń orynbasary – arnaıy maqsattaǵy kúshter qolbasshysy qyzmetіne resmı túrde taǵaıyndaldy.
Aıta keteıіk, Mańǵystaýdaǵy áskerı oqý-jattyǵý kezіnde bolǵan qaıǵyly oqıǵadan keıіn Qazaqstannyń Qorǵanys vedomstvosynda bіrqatar kadrlyq ózgerіs bolǵan edі. Dáýren Qosanov Qorǵanys mınıstrі qyzmetіnen bosatylyp, onyń ornyna Aıdos Myrzahmetov taǵaıyndaldy.
Endі qorǵanys salasyndaǵy joǵary basshylyq quramyna Aıtqurman Omarbekov qosyldy.
Material avtory
