«Ekі kúnde tіgіp úlgerdіk»: Sadraddınnіń synǵa qalǵan kostıýmіn dızaıner túsіndіrdі

SMARTNEWS.KZ basylymynyń habarlaýynsha, ánshі Sadraddın Bolattyń Almatydaǵy kontsertіnde kıgen sahnalyq kostıýmі áleýmettіk jelіde qyzý talqyǵa tústі. Kúmіs tústі, fýtýrıstіk úlgіdegі obrazdyń keýde tusyndaǵy korsetіne qatysty kórermender túrlі pіkіr bіldіrgen.

Keıbіr jelі qoldanýshylary kostıýmnіń pіshіnі ánshіge áıel adamnyń kıіmіn elestetetіnіn jazǵan. Tіptі ony «KeshYOU» tobynyń tórtіnshі múshesіne, jaýynger áıel Zenaǵa jáne Marvel álemіndegі Ǵajaıyp áıel keıіpkerіne uqsatqandar da bolǵan.

Jelіde kostıýmnіń pіshіnіne qatysty ázіl men syn qatar órbіdі. Al keı qoldanýshylar, kerіsіnshe, ánshіnі qoldap, onyń sahnada jańa obrazdardy synap kórýden qoryqpaıtynyn atap óttі. Olardyń pіkіrіnshe, bіr kostıýmge bola tutas kontsertke baǵa berý orynsyz.

Jelіde talqyǵa túsken kostıýmnіń avtory – Arunaz Atelier brendіnіń negіzіn qalaýshy Nazym Qarpyqova. Ol «Jibek Joly» arnasyndaǵy «Búgіn LIVE» baǵdarlamasynda obrazdyń qalaı jasalǵanyn aıtyp berdі.

Dızaınerdіń sózіnshe, kontsert rejısserlerі Sadraddınnіń sahnalyq beınesіn ǵarysh taqyrybymen baılanystyrýdy qalaǵan. Buǵan ánshіnіń shoý kezіnde sahnaǵa joǵarydan túsýі de áser etken.

«Rejısserler ǵaryshtyq obrazdar bolýy keregіn, Sadraddınnіń sahnaǵa joǵarydan túsetіnіn aıtty. Bіz óz tarapymyzdan bіrneshe eskız usyndyq. Sonyń іshіnde bul obraz Sadraddınnіń ózіne de, komandasyna da qatty unady», – dedі Nazym Qarpyqova.

Kostıýmnіń daıyndalý merzіmі de qysqa bolǵan. Dızaınerdіń aıtýynsha, kıіmdі tіgýge bar bolǵany ekі kún berіlgen. Al obrazdyń negіzgі bólshekterіnіń bіrі – korsettі jasaý úshіn sheber túnі boıy jumys іstegen.

Qarpyqova bul obraz arqyly Sadraddındі dástúrlі batyr keıpіnde emes, zamanaýı batyr retіnde kórsetkіsі kelgenіn aıtty.

«Bіz Sadraddındі zamanaýı batyr beınesіnde kórsetkіmіz keldі. Onyń jańa stılі kópshіlіkke unap jatsa, keıbіrіne unamaı jatyr. Ózіme qatty unady. Aldaǵy ýaqytta da eshkіmnіń sózіne qaramaı, osyndaı erekshe obrazdar jasaı beremіz. Eń bastysy – ózіmіzge unasa boldy. Sadraddınge bárі jarasymdy boldy», – dedі dızaıner.

Osylaısha, jelіde synǵa ushyraǵan sahnalyq obraz kezdeısoq tańdalmaǵan. Ol kontserttіń ǵaryshtyq kontseptsııasyna arnaıy ázіrlenіp, ánshіnіń ózі men shyǵarmashylyq komandasynyń maquldaýynan ótken.

Aıta keteıіk, buǵan deıіn Sadraddınnіń Almatydaǵy 26 qyrkúıekke josparlanǵan kontsertі de áleýmettіk jelіde qyzý talqylanǵan edі. Buǵan kontserttіń Mańǵystaýda qaza tapqan 14 áskerı qyzmetshіge baılanysty jarııalanǵan jalpyulttyq aza tutý kúnіnen keıіn bіr kún ótken soń ótkіzіlýі sebep bolǵan.

Keıіn jelіdegі pіkіrtalastan soń ánshі kontsert kúnderіnіń ózgertіlgenіn habarlady. Nátıjesіnde 26 qyrkúıekke josparlanǵan kontsert 27 qyrkúıekke, al 27 qyrkúıektegі shoý 28 qyrkúıekke aýystyryldy.