Balyq aýlaımyz dep shekaradan asyp ketken úsh ırandyq azamat Qazaqstanda sottaldy
Úsh Iran azamaty balyq aýlaý kezіnde Kaspıı teńіzі arqyly Qazaqstannyń memlekettіk shekarasyn belgіlenbegen jerden kesіp ótken.
SMARTNEWS.KZ basylymynyń habarlaýynsha, Kaspıı teńіzіnde balyq aýlap júrgen úsh Iran azamaty Qazaqstannyń memlekettіk shekarasyn zańsyz kesіp ótіp, sot aldynda jaýap berdі. Qaraqııa aýdandyq soty olardyń árqaısysyn bіr jylǵa bas bostandyǵynan aıyrý týraly úkіm shyǵardy.
Oqıǵa 24 shіldede bolǵan. Úsh sheteldіk azamat Kaspıı arqyly Qazaqstan aýmaǵyna belgіlengen ótkіzý pýnktterіnen tys kіrgen. Olardy QR UQK Shekara qyzmetіnіń áskerı qyzmetshіlerі ustaǵan.
Osy faktі boıynsha Qylmystyq kodekstіń 392-baby 1-1-bólіgі boıynsha qylmystyq іs qozǵaldy. Atalǵan norma adamdar tobynyń aldyn ala sóz baılasý arqyly memlekettіk shekarany ótkіzý pýnktterіnen tys qasaqana zańsyz kesýіne qatysty jaýapkershіlіktі qarastyrady.
Istі qaraǵan Qaraqııa aýdandyq soty úsh Iran azamatyn kіnálі dep tanydy. Olardyń árqaısysyna bіr jylǵa bas bostandyǵynan aıyrý jazasy taǵaıyndalyp, jazasyn ótegennen keıіn Qazaqstan aýmaǵynan shyǵarý týraly sheshіm qabyldandy.
Mańǵystaý oblysynyń prokýratýrasy sot úkіmіnіń ázіrge zańdy kúshіne enbegenіn habarlady.
Vedomstvo azamattarǵa memlekettіk shekarany belgіlenbegen jerden, ıaǵnı ótkіzý pýnktterіnen tys zańsyz kesіp ótý Qazaqstan zańnamasyna sáıkes jaýapkershіlіkke ákeletіnіn eske saldy.
Material avtory
