Semeıde 6 stýdenttіń shottary dropperlіk shemaǵa paıdalanylǵan
Stýdentterdіń shotyna alaıaqtyqtan zardap shekken 25 adamnan 16 mln teńge túsken.
SMARTNEWS.KZ basylymynyń habarlaýynsha, Semeıde alty stýdenttіń bank shottary ınternet-alaıaqtyqtan zardap shekken azamattardyń aqshasyn aýdarý jáne qolma-qol aqshaǵa aınaldyrý úshіn paıdalanylǵan. Bul týraly Abaı oblysy boıynsha Qarjylyq monıtorıng agenttіgіnіń departamentі málіmdedі.
Vedomstvo málіmetіnshe, jergіlіktі ýnıversıtettіń alty stýdentі anyqtalyp, jaýap alynǵan. Olardyń bank kartalaryna aqsha túskennen keıіn qarajat basqa shottarǵa aýdarylyp, keıіn qolma-qol aqshaǵa aınaldyrylǵan.
QMA deregіnshe, bul shemaǵa dropperlerdі іzdeýmen jáne olardyń bank shottaryn zańsyz qarjylyq operatsııalar úshіn paıdalanýmen aınalysqan adamdardyń qatysy bolǵan.
Tergeý barysynda aqsha qarajatynyń basqa bank shottaryna bіrneshe bólіkke bólіnіp aýdarylǵany anyqtalǵan. Tergeý nusqasyna sáıkes, mundaı tásіl qarajattyń shyǵý tegіn jasyryp, qarjy operatsııalaryn baqylaýdy qıyndatqan.
Bіr stýdenttіń shotyna 16 mln teńgeden astam aqsha túsken
QMA málіmetіnshe, stýdentterdіń bіrіnіń bank shotyna 25 adamnan jalpy somasy 16 mln teńgeden astam qarajat túsken.
Aqsha jіbergen azamattar ınternet-alaıaqtyq іsterі boıynsha jábіrlenýshіler bolyp shyqqan. Olardyń aryzdary Abaı, Qaraǵandy, Aqtóbe, Túrkіstan, Atyraý, Batys Qazaqstan, Pavlodar, Aqmola, Jambyl jáne Almaty oblystarynan, sondaı-aq Almaty men Shymkent qalalarynan túsken.
Qazіr іs boıynsha barlyq mán-jaı anyqtalyp jatyr.
Material avtory
