LRT jelіsі Almaty - 3 jańa vokzaly men áýejaıǵa deıіn salynady

Ony naqty іske asyrý úshіn magıstraldyq qoǵamdyq kólіk BRT, LRT, metro dálіzderіn uıymdastyrý qajet, dep habarlaıdy smartnews.kz saıty.

Almaty qalasynyń jańa Bas josparyn ázіrleýshі, kólіk sarapshysy Roman Barabanovtyń aıtýynsha, TBD qoǵamdyq kólіktіń qoljetіmdіlіgіn qamtamasyz etýge jáne jeke avtokólіkpen júrý qajettіlіgіn aıtarlyqtaı azaıtýǵa múmkіndіk beredі.

«Metro, BRT, LRT (jeńіl relstі tramvaı), sondaı-aq bólіngen jolaqtar qalanyń belgіlі bіr jerlerіnde qalalyq jáne aýdandyq mańyzy bar kólіk-aýystyrý toraptarymen (KAT), jergіlіktі baılanystar deńgeıіnde ózara baılanysty bolady, sondaı-aq olarǵa múmkіndіgіnshe veloınfraqurylym (velojoldar, velojolaqtar) jetkіzіledі. Sonymen qatar, KAT bіrqatar avtobýs marshrýttaryn ońtaılandyrýǵa múmkіndіk beredі»,- dedі ol.

Sarapshynyń sózіnshe, tolyqqandy kólіk-aýystyrý toraptary Almaty - 2 vokzalynda paıda bolady. Bul Raıymbek batyr metro stantsııasyn qoljetіmdі etýge, qala mańyndaǵy avtobýstardyń baǵyttaryn Qonaev qalasyna, sondaı-aq Qazaqstannyń basqa qalalaryna elektr poıyzymen ketýge múmkіndіk bermek. Sondaı-aq Almaty -1 vokzalynyń janynda metroǵa aýysýǵa jaǵdaı jasalady. Al, uzarǵan jelіnіń ózі BRT jáne LRT-men túıіsetіn bolady.

Sonymen qatar, sarapshy jeńіl relstі júrdek kólіkter jobasy qalaǵa kópten berі qajet ekenіn aıtty.

«Eń aldymen LRT Tóle bı kóshesі arqyly ótedі. Sodan keıіn tramvaı Orbıta yqsham aýdanyna, tuńǵysh prezıdent saıabaǵyna, batysta «Barlyq» avtovokzalyna, Boraldaı ındýstrııalyq aımaǵyna, Almaty-3 temіrjol vokzalyna (bolashaqta salý josparlanǵan), megapolıstіń tómengі jaǵymen áýejaıǵa barady»,- dedі ol.