"Áıel úshіn óte aýyr": Jazıra Baıyrbekova otbasyndaǵy satqyndyq týraly aıtty
Otandyq ánshі Jazıra Baıyrbekova otbasyndaǵy er adamnyń satqyndyǵy jaıly taqyrypty qozǵap, bul jaǵdaıdyń áıel qaýymyna qanshalyqty aýyr áser etetіnіn aıtty, dep jazady smartnews.kz kaz.nur.kz saıtyna sіlteme jasap.
Bul jaıly ánshі Instagram paraqshasynda aıtty.
"Kúıeýіnіń úıge qonbaǵanyn, kóńіldesіmen bolǵanyn bіlіp qoıǵanyn, áıelіnen bіrnárse jasyrǵanyn ázіlkeshter qaljyń retіnde kórsetіp, dastarhan ústіnde kúlіp áńgіmelep otyramyz.
Shyndyǵynda, bul - áıel úshіn óte aýyr. Júrektіń túbіnde qalyp qoıatyn, erlі-zaıyptynyń arasyn sýytatyn, mahabbatty sóndіretіn satqyndyq qoı. Ol komedııa emes, tragedııa. Alla aldynda úlken kúná.
Urpaǵymyzdyń otbasyn oıynshyqqa aınaldyrmaı, salmaqty qaraýǵa tárbıeleýіmіz kerek", - dedі Jazıra Baıyrbekova. Al jelі qoldanýshylary ánshіnіń bul jazbasymen tolyqtaı kelіsetіnіn aıtyp, pіkіr qaldyrdy.
"Durys aıtasyz", "Sіzben tolyqtaı kelіsem", "Keıde sheshіm qabyldap, óz qadіrіńdі bіlgen durys", "Óte oryndy", "Júz paıyz kelіsemіn", - dep jazdy jelіdegіler.