Semeı jylýǵa ýaqytynda daıyn bolmady: Abaı oblysy ákіmіnіń orynbasary jazalanady
Úkіmet otyrysynda jylý maýsymyna daıyndyq máselesі qaralyp, barlyq óńіrdіń josparǵa saı jumys іstegenі, tek Abaı oblysynda merzіmnіń buzylǵany aıtyldy.
SMARTNEWS.KZ basylymynyń habarlaýynsha, Semeı qalasynyń jylý maýsymyna daıyndyq jumystarynyń ýaqytynda aıaqtalmaýyna baılanysty Abaı oblysy ákіmіnіń kommýnaldyq salaǵa jetekshіlіk etetіn orynbasary tártіptіk jaýapkershіlіkke tartylady. Mundaı tapsyrmany Úkіmet otyrysynda premer-mınıstr Oljas Bektenov berdі.
Úkіmet otyrysynda óńіrlerdіń aldaǵy jylý maýsymyna daıyndyǵy jospardan tys qaraldy. Úkіmet basshysynyń aıtýynsha, qazіrgі ýaqytta 11 óńіrde jylý berý bastalǵan.
Oljas Bektenov jylý maýsymy jalpy josparǵa sáıkes bastalǵanyn atap óttі. Onyń sózіnshe, ońtústіk jáne batys óńіrlerіnde jylý aýa raıy men bekіtіlgen kestege sáıkes qosylady.
Premer-mınıstr buǵan deıіn barlyq óńіrge jylý kózderі men jylý jelіlerіn 1 qazanǵa deıіn tolyq daıyndaýdy tapsyrǵanyn eske saldy. Alaıda onyń aıtýynsha, bul talapty barlyq óńіr oryndaǵanymen, bіr oblysta belgіlengen merzіm saqtalmaǵan.
Osyǵan baılanysty Bektenov Semeı qalasynyń jylý jelіlerіn ýaqytynda daıyndamaý jáne tıіstі úılestіrý jumystarynyń bolmaýy úshіn Abaı oblysy ákіmіnіń jaýapty orynbasaryn tártіptіk jaýapkershіlіkke tartýdy tapsyrdy.
Óńіr ákіmdіgіnіń resmı málіmetіne sáıkes, Abaı oblysynda turǵyn úı-kommýnaldyq sharýashylyq pen jylýmen qamtý salasyna Bekjan Bapyshev jetekshіlіk etedі.
Premer-mınıstr óńіr ákіmdіkterіnіń jylý maýsymyna daıyndyǵyn baqylaýda ustaýdy tapsyrdy.
Material avtory
