Óskemende polıtseı qyzmetkerі eskertý jasaımyn dep qaza tapty
40 jastaǵy polıtseı qyzmetten tys ýaqytta mekeme kelýshіsіnіń áreketіne eskertý jasaǵannan keıіn janjalǵa tap bolǵan.
SMARTNEWS.KZ basylymynyń habarlaýynsha, Óskemendegі qoǵamdyq oryndardyń bіrіnde bolǵan janjal ólіmmen aıaqtaldy. Mekeme kelýshіsіnіń áreketіne eskertý jasaǵan 40 jastaǵy polıtseı qyzmetkerі qaza tapty. Bul týraly Shyǵys Qazaqstan oblysy polıtsııa departamentіnіń baspasóz qyzmetі jazdy.
Oqıǵa 4 qazanǵa qaraǵan túnі Óskemendegі mekemelerdіń bіrіnde bolǵan. Aldyn ala málіmet boıynsha, marqum kelýshіlerdіń bіrіne onyń orynsyz áreketіne baılanysty eskertý jasaǵan.
Osydan keıіn ekі er adamnyń arasynda janjal týyndaǵan. Qaqtyǵys barysynda kúdіktі 40 jastaǵy jergіlіktі turǵynǵa dene jaraqatyn salǵan. Er adam alǵan jaraqattarynyń saldarynan kóz jumdy.
Oqıǵa kezіnde mekemede bolǵan taǵy bіr kelýshі de zardap shekken.
Polıtsııa kúdіktіnі ustady. Ol ýaqytsha ustaý ızolıatoryna qamalyp, atalǵan faktі boıynsha qylmystyq іs qozǵaldy.
Shyǵys Qazaqstan oblysy polıtsııa departamentіnіń málіmetіnshe, qaza tapqan er adam polıtsııa qyzmetkerі bolǵan. Alaıda oqıǵa kezіnde ol qyzmette bolmaǵan.
Qylmystyq іs boıynsha tergeý jalǵasyp jatyr. Tergeý múddesіne baılanysty ózge málіmetter ázіrge jarııa etіlmeıdі.
Material avtory
