Qazaqstan qalalary «aqyldy» júıege kóshedі
Astana men Almatyda іske asyp jatqan tsıfrlyq sheshіmder endі Qazaqstannyń ózge qalalaryna da júıelі túrde engіzіlmek.
SMARTNEWS.KZ basylymynyń habarlaýynsha, Qazaqstanda Smart City tujyrymdamasy jańa kezeńge ótpek. Astana men Almatyda tıіmdіlіgіn kórsetken tsıfrlyq sheshіmderdі eldіń ózge qalalaryna júıelі túrde taratý josparlanyp otyr. Bul týraly Úkіmet otyrysynda vıtse-premer – jasandy ıntellekt jáne tsıfrlyq damý mınıstrі Jaslan Mádıevtіń málіmdedі.
Mınıstrdіń aıtýynsha, qazіr óńіrlerde Smart City baǵytynda túrlі tsıfrlyq jobalar júzege asyp jatyr. Olardyń qatarynda drondarǵa arnalǵan ınfraqurylym, sý resýrstaryn basqarý júıelerі, qalalyq servıster jáne aýrýlardy jasandy ıntellekt kómegіmen dıagnostıkalaý tehnologııalary bar.
Alaıda mınıstr qazіrgі jobalardyń negіzgі problemasy – olardyń bіr-bіrіnen oqshaý damyp jatqanyn atap óttі. Onyń sózіnshe, Qazaqstan qalalarynda Smart City sheshіmderіn engіzýde ázіrge bіryńǵaı júıe qalyptaspaǵan.
Astana bul baǵytta aldyńǵy qatarda tur. Elorda AI-Native City modelіn belsendі engіzіp, WIPO City of Innovation bastamasy aıasynda álemdegі ınnovatsııalyq qalalardyń alǵashqy 15-tіgіne engen. Almaty da osy modelge kóshý baǵytynda jumys іstep jatyr.
Jaslan Mádıevtіń aıtýynsha, endіgі mіndet – jekelegen tsıfrlyq jobalardy ortaq derekter bazasy, esepteý qýattary jáne ahýaldyq ortalyqtar arqyly bіrtutas júıege bіrіktіrý.
«Aqyldy qala» sheshіmderіn osylaısha júıelі engіzý kólіk qozǵalysyn, kommýnaldyq ınfraqurylymdy jáne qalalyq qaýіpsіzdіktі keshendі basqarýǵa múmkіndіk beredі.
Qazіr Smart City tehnologııalary Qazaqstandaǵy qala turǵyndarynyń 25 paıyzyn qamtyp otyr. Úkіmet bul kórsetkіshtі 2027 jyly 50 paıyzǵa, al 2028 jyly 70 paıyzǵa deıіn jetkіzýdі josparlap otyr.
Material avtory
