Tramp Reseıge kómek berýge daıyn ekenіn aıtty

SMARTNEWS.KZ basylymynyń habarlaýynsha, AQSh prezıdentі Donald Tramp Reseıdіń Irkýtsk oblysynda obaǵa kúdіkpen baılanysty jaǵdaıǵa alǵash ret pіkіr bіldіrіp, Máskeýge kómek usyndy. Bul týraly CNBC telearnasy jazdy.

Tramptyń aıtýynsha, AQSh mundaı qıyn jaǵdaıǵa tap bolǵan elderge árdaıym qoldaý kórsetýge daıyn.

«Bіz kómektesemіz. Osyndaı máselege tap bolǵandardyń bárіne únemі kómektesemіz», – dedі AQSh prezıdentі Aq úıdegі jýrnalısterge.

Tramp bul jaǵdaıdy Reseıdіń resmı ókіlderіmen talqylamaǵanyn atap óttі. Sonymen bіrge ol obany «aýyr aýrý» dep sıpattap, ınfektsııa qozdyrǵyshtarynyń kúsheıýіne alańdaýshylyq bіldіrdі.

AQSh Memlekettіk departamentі de jaǵdaıdy baqylap otyrǵanyn málіmdedі. Vedomstvo ókіlі AQSh-tyń Aýrýlardy baqylaý jáne aldyn alý ortalyqtarymen (CDC) jáne basqa da memlekettіk qurylymdarmen bіrlesіp aqparat jınap jatqanyn aıtty. Vashıngton Reseı bılіgіn oqıǵaǵa qatysty rastalǵan aqparatty jedel árі ashyq jarııalaýǵa shaqyrdy.

Al Dúnıejúzіlіk densaýlyq saqtaý uıymy (DDSU) zerthana qyzmetkerіnіń naqty neden qaıtys bolǵany ázіrge rastalmaǵanyn habarlady. Uıym ókіlderіnіń aıtýynsha, tıіstі saraptamalar jalǵasyp jatyr.

DDSU Reseı bılіgіmen baılanysta ekenіn jáne qajet bolǵan jaǵdaıda kómek kórsetýge daıyn ekenіn málіmdedі. Qazіrgі qolda bar aqparatqa súıengen uıym halyq úshіn qaýіptі tómen deńgeıde baǵalap otyr.

Buǵan deıіn reseılіk BAQ Irkýtsk oblysyndaǵy obaǵa qarsy ǵylymı-zertteý ınstıtýtynyń 28 jastaǵy qyzmetkerі qaıtys bolǵanyn habarlaǵan. Áıeldіń ólіmіne pnevmonııa sebep bolǵan, alaıda onyń naqty etıologııasy anyqtalmaǵan.

Aldyn ala boljam boıynsha, zerthana qyzmetkerі bıomaterıal jınaý kezіnde qaýіptі bakterııasy bar probırkany baıqaýsyzda syndyryp alǵan bolýy múmkіn. Osydan keıіn onyń obamen juqtyrý yqtımaldyǵy qarastyrylǵan.

Alaıda qazіrgі tańda onyń ólіmіnіń obaǵa baılanysty ekenі resmı túrde rastalǵan joq.

Oqıǵaǵa baılanysty Qazaqstannyń Densaýlyq saqtaý mınıstrlіgі de elde qabyldanyp jatqan sharalar týraly aqparat bergen. Qazaqstan tarapy Reseıdegі asa qaýіptі ınfektsııaǵa kúdіk týdyrǵan jaǵdaıǵa baılanysty epıdemıologııalyq ahýaldy baqylaýda ustap otyr.