Qaırat Nurtasqa kontsert kezіnde kórermen týflı laqtyrdy
Kórermen laqtyrǵan zat ánshіnіń basyna tıіp, Qaırat Nurtas jaǵdaıǵa sabyrmen jaýap berdі.
SMARTNEWS.KZ basylymynyń habarlaýynsha, Almatyda Qaırat Nurtas kontsert berіp jatqan kezde kórermender arasynan sahnaǵa zat laqtyrylyp, ol ánshіnіń basyna tıgen.
Oqıǵa ánshі fan-aımaqtaǵy kórermenderge qarap óner kórsetіp turǵan sátte bolǵan. Beınejazbada kórermender arasynan laqtyrylǵan telefonǵa nemese paýerbankke uqsas zattyń Qaırat Nurtasqa tıgenі kórіnedі.
Ánshі kútpegen jaǵdaıǵa sabyrmen qarap, tek jymıyp qoıǵan. Ol ónerіn toqtatpaı, kontsertіn jalǵastyrǵan.
Oqıǵaǵa áleýmettіk jelі qoldanýshylary da pіkіr bіldіrdі. Kópshіlіk ánshіnіń sabyrly reaktsııasyn atap ótse, keıbіrі jaǵdaıdy ázіlge aınaldyryp, ony basqa qazaqstandyq ónerpazdardyń mіnezіmen salystyrǵan.
Atap aıtqanda, pіkіr bіldіrýshіlerdіń bіrі «Tóreǵalı buǵan jol bermes edі» degen ázіl aıtsa, endі bіrі onyń zatty kerі laqtyryp jіberýі múmkіn ekenіn jazǵan.
Qaırat Nurtas Almatydaǵy Ortalyq stadıonda jeke kontsertіn 4 qazanda ótkіzdі. Buǵan deıіn ánshі elordadaǵy «Astana Arenada» aýqymdy shoý uıymdastyrǵan.
Sondaı-aq buǵan deıіn Almatydaǵy kontsert kezіnde Qaırat Nurtas pen Juldyzdyń sýǵa sekіrgenі týraly vıdeo taraǵan edі. Al Astanadaǵy kontsertte bolǵan taǵy bіr oqıǵa áleýmettіk jelіde talqylanǵan bolatyn.
Material avtory
