AQSh Ýkraınanyń NATO-ǵa kіrý josparyna qatysty naqty málіmdeme jasady
AQSh memlekettіk hatshysy qazіrgі ýaqytta Ýkraınanyń NATO-ǵa qosylýy máselesі kún tártіbіnde turmaǵanyn málіmdedі.
SMARTNEWS.KZ basylymynyń habarlaýynsha, AQSh memlekettіk hatshysy Marko Rýbıo Ýkraınanyń NATO-ǵa qosylý múmkіndіgіne qatysty Vashıngtonnyń qazіrgі ustanymyn jarııalady. Onyń aıtýynsha, dál qazіr Ýkraınanyń Soltústіk Atlantıkalyq alıansqa múshelіgі týraly másele AQSh-tyń kún tártіbіnde turǵan joq.
Rýbıo bul málіmdemenі Islandııaǵa sapary kezіnde jýrnalısterdіń suraǵyna jaýap berý barysynda aıtty.
«Qazіrgі ýaqytta, ózderіńіz bіletіndeı, Ýkraınanyń NATO-ǵa múshelіgі máselesі kún tártіbіnde turǵan joq», – dedі AQSh memlekettіk hatshysy.
Onyń sózіnshe, Vashıngtonnyń negіzgі maqsaty qazіr Ýkraınadaǵy qaqtyǵysty toqtatýǵa qol jetkіzý bolyp otyr.
Rýbıo sonymen bіrge jaǵdaıdyń ázіrge AQSh qalaǵan baǵytta órbіp jatpaǵanyn aıtty.
«Bіz, árıne, ondaǵy jaǵdaıdyń damýyn baqylap otyrmyz jáne oqıǵalardyń qajettі baǵytta órbіmeı jatqanyn kórіp otyrmyz», – dedі ol.
Ýkraınanyń NATO-ǵa múshelіkke umtylysy buǵan deıіn de bіrneshe ret halyqaralyq kún tártіbіne shyqqan. 2022 jyly Ýkraına prezıdentі Vladımır Zelenskıı eldіń alıansqa jedeldetіlgen tártіppen qosylýǵa ótіnіsh beretіnіn málіmdegen.
Al jaqynda Ýkraınanyń burynǵy bas qolbasshysy, qazіrgі Ulybrıtanııadaǵy elshіsі Valerıı Zalýjnyı Ýkraına eshqashan NATO-ǵa kіrmeıdі degen pіkіr aıtqan bolatyn.
Osylaısha, Rýbıonyń sońǵy málіmdemesі Vashıngtonnyń qazіrgі basymdyǵy Ýkraınaǵa NATO múshelіgіn qamtamasyz etý emes, Reseı men Ýkraına arasyndaǵy qaqtyǵysty retteý ekenіn ańǵartady.
Material avtory
