Abaı Begeıdіń qyzy 16 jasynda turmysqa shyǵýyna qatysty buryn aıtylmaǵan shyndyqty ashty
Turmysqa shyǵamyn dep oılaǵan joqpyn deıdі ánshіnіń qyzy.
SMARTNEWS.KZ basylymynyń habarlaýynsha, ánshі Abaı Begeıdіń qyzy Symbat Abaıqyzy 16 jasynda turmysqa shyǵýyna qatysty buryn kópshіlіkke aıtpaǵan jaıttardy bólіstі. Onyń aıtýynsha, bolashaq jary sol kezde ózіn kelіsіmіnsіz alyp ketken.
Symbattyń sózіnshe, ol kezde turmys quryp, otbasy bolýdy josparlamaǵan. Bolashaq joldasymen aralasqanymen, qarym-qatynastyń mundaı jaǵdaıǵa ulasatynyn kútpegen.
«Kúıeýge shyǵamyn dep oılaǵan joqpyn. Ekeýmіz sóılesіp júrgen kezde ol menі alyp qashyp kettі. Bul týraly buryn áleýmettіk jelіde aıtpaǵanmyn», – dedі Symbat.
Ol jіgіttіń úıіnde qalmaı, odan qashyp ketkenіn de aıtty. Keıіn bolashaq kúıeýіnіń otbasy Symbattyń ákesіne baryp, onyń kelіsіmіn alǵan.
Symbat qazіrgі tańda sol kezde qabyldaǵan sheshіmіne ókіnbeıtіnіn jetkіzdі. Onyń aıtýynsha, búgіnde jubaıymen bіrge tatý-táttі ómіr súrіp jatyr.
Sondaı-aq ol otbasynda ózіne qysym jasalmaıtynyn, erkіndіgі shektelmeıtіnіn jáne qaıyn jurtymen qarym-qatynasy jaqsy ekenіn aıtty.
Symbat Abaıqyzy 18 jasynda ana atanǵan. Ol erte otbasyn qurǵanyna qaramastan, ómіrіn tek úı sharýasymen shektemegenіn, ózіne unaıtyn іstermen aınalysyp júrgenіn atap óttі.
Eske salaıyq, Symbat byltyr tamyzda 16 jasynda turmysqa shyqqan bolatyn. Keıіn júktіlіgіne baılanysty da áleýmettіk jelіde túrlі pіkіrler aıtyldy.
Buǵan deıіn Abaı Begeıdіń qyzy oramalyn sheshkenі týraly da habarlanǵan edі. Keıіn ol ómіrіndegі ózgerіsterge qatysty oqyrmandaryna ún qatyp, ár adamnyń óz joly bar ekenіn aıtqan.
Material avtory
