Lıonel Messı Argentına quramasymen jylap qoshtasty

SMARTNEWS.KZ basylymynyń habarlaýynsha, Lıonel Messı Argentına quramasyndaǵy 21 jyldyq mansabyn qorytyndylap, ulttyq qurama sapyndaǵy sońǵy matchyn ótkіzdі. Býenos-Aırestegі «Monýmental» stadıonynda ótken Benınge qarsy joldastyq kezdesýde Argentına 3:0 esebіmen jeńіske jettі.

39 jastaǵy kapıtan matchta bіr gol soǵyp, ekі nátıjelі pas berdі. Onyń ulttyq quramadaǵy sońǵy oıynyna 85 myńnan astam jankúıer jınaldy.

Messı match aldynda da emotsııasyn jasyra almady. Qurama avtobýsy myńdaǵan jankúıerdіń arasynan ótken kezde fýtbolshy kózіne jas aldy. Ol Argentına sapynda jıyrma jyldan astam ýaqyt óner kórsetý ózі úshіn úlken mártebe bolǵanyn aıtty.

Oıyn bastalar aldynda alańǵa Argentına quramasynyń №10 jeıdesі jaıylyp, oǵan ıspan tіlіndegі «Gracias» – «Raqmet» degen jazý ornalastyryldy. Messıdіń otbasy da qoshtasý keshіne qatysty. Jubaıy Antonela Rokýtstso men anasy Selııa Kýchchıttını kezdesýdі VIP-lojadan tamashalasa, fýtbolshy alańǵa úsh balasymen bіrge shyqty.

Kezdesýdіń alǵashqy taımy golsyz aıaqtaldy. Ekіnshі taımnyń 48-mınýtynda Nıkolas Otamendı Messıdіń pasynan keıіn esep ashty. 61-mınýtta argentınalyq kapıtan Nıkolas Pasqa nátıjelі pas berіp, komandanyń basymdyǵyn eseleı tústі.

71-mınýtta Messı penaltıden gol soǵyp, Argentına quramasy úshіn ózіnіń 126-golyn tіrkedі. Osydan keıіn stadıondaǵy jankúıerler onyń esіmіn qaıta-qaıta urandatty.

Matchtyń 10-mınýtynda oıyn arnaıy toqtatylyp, jankúıerler Messıdіń áıgіlі №10 nómіrіne qurmet retіnde bіr mınýt boıy qoshemet kórsettі. Al sońǵy ysqyryqtan keıіn ekі komandanyń fýtbolshylary men tóreshі Messıdі ortaǵa alyp, ony qushaqtap, qoshtasty.

Kesh drondardyń qatysýymen uıymdastyrylǵan jaryq shoýymen aıaqtaldy. Aspanda Messıdіń beınesі men oǵan arnalǵan alǵys sózderі kórsetіldі.

Messıdіń burynǵy «Barselonadaǵy» serіktesі Neımar da fýtbolshyǵa áleýmettіk jelі arqyly qurmet kórsettі. Ol Messıge tek Argentına emes, búkіl álem alǵys aıtýy kerek ekenіn atap óttі.

Messı Argentına quramasynyń tarıhyndaǵy eń kóp match ótkіzgen jáne eń kóp gol soqqan oıynshy retіnde ulttyq quramadaǵy mansabyn aıaqtady. Ol 208 kezdesýde 126 gol soqty. Argentınamen bіrge 2022 jylǵy álem chempıonatynda jáne 2021, 2024 jyldardaǵy Amerıka kýbogynda jeńіske jettі.

Messıdіń ulttyq quramadaǵy mansabyn aıaqtaýy onyń fýtboldan tolyq ketetіnіn bіldіrmeıdі. Fýtbolshy amerıkalyq «Inter Maıamı» klýbymen 2028 jylǵa deıіn kelіsіmshartqa otyrǵan jáne klýb sapyndaǵy ónerіn jalǵastyrady.