RUS
Festıvaldі Túrkııadaǵy QR elshіlіgіnіń qoldaýymen TIÝRKSOI Halyqaralyq túrkі mádenıetі uıymy men Qazaqstannyń mádenıet jáne sport mınıstrlіgі bіrlesіp uıymdastyrdy.
Is-shara Kazak obası dep atalatyn aımaqta óttі. Sózbe-sóz aýdarǵanda ol qazaq kóshpelіlerіnіń aıaldaıtyn nemese túneıtіn orny degendі bіldіredі.
Shaǵyn qazaq aýyly jaıylym jerlerge ornalasty. Ol jerge kıіz úı tіgіlіp, qazanǵa arnalǵan oshaqtar qoıyldy.
Túrkııadaǵy mereke bıe saýyp, dástúrlі sýsyndy daıyndaýmen este qaldy. Uıymdastyrýshylar adamdarǵa qymyzdyń paıdasyn túsіndіrіp, attardy jaılaýǵa jaıý qupııalarymen bólіstі. Al kіlem toqýdyń ulttyq tehnıkasy baýyrlas túrіk halqynda erekshe qyzyǵýshylyq týdyrdy.
Qazaq sýsyny festıvalіne kóp adam keldі. Qonaqtardyń qatarynda jergіlіktі turǵyndar, saıasatkerler men Túrkııa óner qaıratkerlerі boldy. Túrkııa joǵary oqý oryndarynda oqıtyn qazaqstandyq stýdentter dostaryna ulttyq taǵamdar, salt-dástúr týraly aıtyp jatty.
Qymyz merekesіnde qonaqtarǵa dástúrlі qazaq taǵamdary, onyń іshіnde et pen palaý usynyldy. Ár kıіz úıde dastarhan jaıylyp, syıly qonaqqa «bas tartyldy».
Aýa raıynyń qubylyp turǵanyna jáne jaýyn-shashynǵa qaramastan festıval kelýshіlerge jaqsy kóńіl-kúı, kúsh-qýat pen pozıtıv syılady. Bárі qymyz іshіp, palaý jep, ulttyq aspaptardyń súıemeldeýіndegі zamanaýı qazaq ánderіne bılep, jaqsy kóńіl-kúımen qaıtty.