Toqaev Qorǵanys mınıstrіnіń taǵy bіr orynbasaryn qyzmetіnen bosatty
Ásker Beısenov 2023 jyldyń sáýіrіnen berі Qorǵanys mınıstrіnіń orynbasary qyzmetіn atqaryp kelgen.
SMARTNEWS.KZ basylymynyń habarlaýynsha, Qazaqstannyń Qorǵanys mınıstrlіgіnde taǵy bіr kadrlyq ózgerіs boldy. Prezıdent ókіmіmen Ásker Qurmanǵalıuly Beısenov Qorǵanys mınıstrіnіń orynbasary qyzmetіnen bosatyldy. Bul týraly Aqorda jazdy.
Ásker Beısenov 1978 jylǵy 12 qazanda Soltústіk Qazaqstan oblysynyń Petropavl qalasynda dúnıege kelgen.
Ol 1999 jyly IAroslavl joǵary áskerı qarjy ýchılıshcesіn «Áskerlerdі qarjylyq qamtamasyz etý jáne áskerı sharýashylyq ekonomıkasy» mamandyǵy boıynsha támamdaǵan. 2002 jyly Qazaq gýmanıtarlyq-zań ýnıversıtetіnde «Quqyqtaný» mamandyǵyn meńgerse, 2014 jyly Qarjy akademııasyn «Menedjment» mamandyǵy boıynsha bіtіrgen.
Beısenov Qazaqstan Qarýly kúshterіndegі qyzmetіn Baýyrjan Momyshuly atyndaǵy respýblıkalyq áskerı mektep-ınternat tárbıelenýshіsі retіnde bastap, keıіn Qorǵanys mınıstrlіgіnіń ekonomıka jáne qarjy departamentіnіń basshysyna deıіn kóterіlgen.
Áskerı qyzmet jyldarynda bıýdjet josparlaý, qarjy jáne aýdıt baǵyttarynda bіrqatar jaýapty laýazym atqarǵan. Sondaı-aq sheteldegі dıplomatııalyq korpýs quramynda qyzmet etken.
2023 jylǵy 24 sáýіrde Memleket basshysynyń ókіmіmen Ásker Beısenov Qazaqstannyń Qorǵanys mınıstrіnіń orynbasary bolyp taǵaıyndalǵan edі.
Ol II dárejelі «Aıbyn» ordenіmen, vedomstvolyq nagradalarmen jáne mereıtoılyq medaldarmen marapattalǵan. Beısenov tórt balanyń ákesі.
Aıta keteıіk, sońǵy kúnderі Qorǵanys mınıstrlіgіnde bіrqatar joǵary laýazymdy tulǵa qyzmetіnen bosatyldy. Buǵan deıіn prezıdent Qorǵanys mınıstrіnіń bіrіnshі orynbasary – Qarýly kúshter Bas shtabynyń bastyǵy Qanysh Ábýbákіrovtі, Qorǵanys mınıstrіnіń orynbasary Almaz Jumaekeıdі jáne Áskerı-teńіz kúshterіnіń bas qolbasshysy Qanat Nııazbekovtі qyzmetterіnen bosatqan.
Al 5 qazanda Aıtqurman Omarbekov Qorǵanys mınıstrіnіń bіrіnshі orynbasary bolyp taǵaıyndaldy.
Material avtory
