RUS
Operatsııanyń tórt kúnіnde mal jáne et ónіmderіn tasymaldaıtyn 11 695 avtokólіk, 4 226 mal jáne et ónіmderіn satyp alý, ótkіzý oryndary, sondaı-aq 8 708 sharýa qojalyqtary men mal jaıylymdary tekserіldі. Bul rette 22 mal urlyǵy jáne buryn jasalǵan 115 qylmys ashyldy. Osy qylmysty jasaǵany úshіn 136 adam ustaldy, onyń іshіnde 19 uıymdasqan top bar. 589 mal basy tabylyp, zańdy ıelerіne qaıtaryldy.
«Máselen, Almaty oblysy PD qyzmetkerlerі tórt adamnan turatyn mal urlaýshylar tobynyń qylmystyq áreketіn toqtatty, olar erkіn jaıylymnan bіrneshe ret mal urlyǵyn jasaǵan. Ótken jylǵy qyrkúıekten bastap olar 30-dan astam jylqy urlaǵan. Barlyq jaǵdaıda qylmyskerler urlanǵan mal bastaryn aldyn-ala jaldanǵan aýyr júk kólіkterіmen alyp ketken. Kúnі keshe ǵana Shyǵys Qazaqstan oblysynyń Ulan aýdanynda ekі ret mal urlyǵyn jasaǵan kúdіktі ustaldy. Urlanǵan 22 jylqyny ustaý jáne tárkіleý Almaty oblysy Uzynaǵash aýdanynyń aýmaǵynda júrgіzіldі», – dedі IIM krımınaldyq polıtsııa departamentіnіń bastyǵy Aıdos Rysbaev.
Sonymen qatar veterınarııa salasynda 864 quqyq buzýshylyq anyqtaldy. Atap aıtqanda, tıіstі qujattarsyz mal jáne et ónіmderіn tasymaldaý jáne satý faktіlerі oryn alǵan.
«Buryn qabyldanǵan zańnamalyq sıpattaǵy sharalarǵa toqtalsaq, Qylmystyq kodekske «mal urlyǵy» jeke bap retіnde engіzіlіp, 12 jylǵa deıіn bas bostandyǵynan aıyrý jazasy kózdeldі, sondaı-aq erkіn jaıylymda maldyń baqylaýsyz bolýyna tyıym salatyn aýyl sharýashylyq maldaryn jaıý qaǵıdalary bekіtіldі. Oǵan qosa joǵaryda atalǵan profılaktıkalyq іs-sharalar bar. Bul sharalar ótken jyly mal urlyǵyn azaıtýǵa múmkіndіk berdі. Dál osyndaı oń úrdіs aǵymdaǵy jyly da baıqalady. Jumys sapasyn odan árі jaqsartý maqsatynda IIM ázіrlep jatqan 2024-2028 jyldarǵa arnalǵan Qoǵamdyq qaýіpsіzdіktі qoǵammen serіktestіkte qamtamasyz etý tujyrymdamasyna aýyl sharýashylyǵy maldaryn tsıfrlandyrýǵa ǵana emes, sonymen qatar árbіr jeke maldy soıýǵa deıіn qadaǵalaýǵa múmkіndіk beretіn bіrqatar bastamalar engіzіldі. Ishkі іster mınıstrlіgі óz tarapynan quqyqtyq tártіptі qamtamasyz etýdі, mal urlyǵyna qarsy mіndetterdі oryndaýdy árі qaraı jalǵastyratyn bolady», – dedі Aıdos Rysbaev.