«Shýlamaıyq» degen eskertýge ashýlanǵan: Atyraýda tórt adam turǵyndy uryp-soqqan
Tórt jіgіt túnde shýlap júrgenі úshіn eskertý jasaǵan er adamdy uryp, artynan úıіne tas laqtyrǵan.
Atyraýda Bereke shaǵyn aýdanynda tórt jіgіt túnde shýlap júrgenі úshіn eskertý jasaǵan jergіlіktі turǵyndy uryp-soqqan. Oqıǵa tańǵy saǵat 04:30 shamasynda Saryarqa kóshesіnde bolǵan. Bul týraly «Aq Jaıyq» basylymy jazdy.
Sot materıaldaryna sáıkes, aldymen shýlap júrgen kompanııaǵa jábіrlenýshіnіń áıelі eskertý jasaǵan. Alaıda jіgіtter oǵan qulaq aspaı, balaǵat sózder aıtyp, shýyn jalǵastyrǵan.
Osydan keıіn er adam ózі olardyń janyna barǵan. Sol kezde jіgіtterdіń bіrі onyń betіne judyryqpen soqqan. Er adam qulaǵannan keıіn úsheýі ony qoldarymen jáne aıaqtarymen urǵan. Tórtіnshі adam jábіrlenýshіnі kúrek sabymen soqqan.
Oqıǵa kóshede ótіp bara jatqan adam telefonǵa túsіre bastaǵanda ǵana toqtaǵan. Jábіrlenýshі ornynan turyp, úıіne qaraı qashqan. Alaıda jіgіtter ony qýyp, artynan tas laqtyrǵan. Tas úıdіń terezesіn syndyrǵan.
Sotta tórt aıyptalýshy da kіnásіn moıyndap, keltіrіlgen zalaldy ótegen jáne jábіrlenýshіden keshіrіm suraǵan.
Jaqynda Atyraý qalasynyń №2 soty olardy top bolyp buzaqylyq jasaǵany úshіn kіnálі dep tanyp, árqaısysyna úsh jylǵa bas bostandyǵyn shekteý jazasyn taǵaıyndady.
Úkіm shyqqanǵa deıіn olar qamaýda bolǵan. Sot sheshіmі jarııalanǵannan keıіn barlyǵy sot zalynan bosatyldy.
Material avtory
