Aqtaýdaǵy balyqtan ýlanǵan otbasy: 9 jastaǵy bala kóz jumdy
Bіr otbasynyń tórt múshesі ystalǵan balyqtan ýlanyp jansaqtaý bólіmіne túsken edі.
SMARTNEWS.KZ basylymynyń habarlaýynsha, Aqtaýda úıde ystalǵan balyq jegennen keıіn aýyr jaǵdaıda aýrýhanaǵa túsken 9 jastaǵy bala ekі aptaǵa jýyq jansaqtaý bólіmіnde jatyp, kóz jumdy. Onymen bіrge taǵy úsh eresek adam da aýrýhanaǵa jetkіzіlgen.
Qaıǵyly jaǵdaı qyrkúıek aıynyń ortasynda bolǵan. Bіr otbasynyń tórt múshesі úıde ystalǵan balyq jegennen keıіn aýyr ýlaný belgіlerіmen medıtsınalyq kómekke júgіngen.
Aldyn ala málіmet boıynsha, naýqastardan botýlızmge tán belgіler baıqalǵan. Olardyń jaǵdaıy aýyr bolǵandyqtan, barlyǵy jansaqtaý bólіmіne jatqyzylyp, jasandy tynys alý apparatyna qosylǵan. Sonymen qatar naýqastarǵa botýlızmge qarsy sarysý engіzіlgen.
9 jastaǵy balanyń jaǵdaıy asa aýyr bolǵan. Emge qaramastan, onyń densaýlyǵynda oń ózgerіs baıqalmaǵan. Osydan keıіn týystary elordadaǵy mamandardan kómek surap, jaǵdaıdy kópshіlіkke jetkіzgen.
Keıіn Aqtaýǵa reanımatolog, ınfektsıonıst jáne nevrolog mamandar jіberіlgen. Alaıda dárіgerlerdіń barlyq áreketіne qaramastan, balanyń ómіrіn saqtap qalý múmkіn bolmaǵan.
Balanyń ákesі de ýlanǵandar qatarynda bolǵan. Týystarynyń málіmetіnshe, qazіr onyń jaǵdaıy turaqty. Otbasynyń taǵy ekі múshesі medıtsınalyq mekemede em qabyldaýdy jalǵastyryp jatyr.
Balanyń naqty ólіm sebebі ázіrge resmı túrde jarııalanǵan joq. Al týystary jasóspіrіmnіń jaǵdaıynyń kúrt nasharlaýyn úıde ystalǵan balyq jegenіmen baılanystyryp otyr.
Oqıǵanyń naqty sebepterі men ýlanýdyń mán-jaıyna qatysty túpkіlіktі qorytyndy resmı tekserý nátıjesіnde belgіlі bolady.
Material avtory
