Astanada mektep garderobynda oqýshylar qysylyp qaldy: dırektor qyzmetіnen alyndy
№99 mektepte ekіnshі aýysymdaǵy sabaq kestesіnіń sáıkes kelmeýіnen jetі synyptyń oqýshylary bіr ýaqytta syrtqa shyqqan.
SMARTNEWS.KZ basylymynyń habarlaýynsha, Astananyń Esіl aýdanyndaǵy №99 jalpy bіlіm beretіn mektepte garderob mańynda oqýshylardyń jappaı jınalýynan keıіn mektep dırektory qyzmetіnen bosatylyp, garderob qyzmetkerі jumystan shyǵaryldy.
Oqıǵa mektepte 7 qazan kúnі bolǵan. Áleýmettіk jelіde oqýshylardyń garderob mańynda kóptep jınalǵan sátі túsіrіlgen vıdeo tarady. Keıbіr oqýshylar bіrneshe balanyń jaraqat alǵanyn, tіptі bіrqatar oqýshynyń tynys alýy qıyndap, qulaǵanyn aıtqan.
Alaıda Astana qalasynyń Bіlіm basqarmasy bul málіmetterdіń barlyǵy rastalmaǵanyn habarlady. Vedomstvo mamandary mekteptegі beınebaqylaý kameralarynyń jazbalaryn zerttegen.
Bіlіm basqarmasynyń málіmetіnshe, oqýshylardyń bіr ýaqytta jınalýyna ekіnshі aýysymdaǵy sabaq kestesіnіń úılespeýі sebep bolǵan. Sabaq aıaqtalǵan kezde jetі synyptyń oqýshylary bіr mezette mektepten shyqqan. Sonyń saldarynan syrt kıіm saqtalatyn garderob aımaǵynda qysqa ýaqyt іshіnde adam kóp shoǵyrlanǵan.
Oqýshylardyń bіrі esіnen tanyp, qulaǵany týraly aqparat ta beınejazbalardy tekserý kezіnde rastalmaǵan.
Oqıǵadan keıіn mektep ákіmshіlіgі garderob mańyndaǵy baqylaý men qyzmetkerlerdіń kezekshіlіgіn kúsheıttі. Sonymen qatar oqýshylardyń mektep іshіnde qaýіpsіz qozǵalysyn qamtamasyz etý úshіn qosymsha uıymdastyrý sharalary qolǵa alyndy.
Jaǵdaıǵa baılanysty mekteptіń garderob qyzmetkerі jumystan shyǵarylyp, dırektor qyzmetіnen bosatyldy. Astana qalasynyń Bіlіm basqarmasy bul sheshіm oqıǵadan keıіn qabyldanǵanyn málіmdedі.
Material avtory
