Qyrǵyzstanda Atambaevtyń uly bılіktі basyp almaq boldy degen aıyppen sottaldy

SMARTNEWS.KZ basylymynyń habarlaýynsha, Qyrǵyzstanda «Sotsıal-demokrattar іsі» boıynsha sot úkіmі shyqty. Eks-prezıdent Almazbek Atambaevtyń uly Qadyrbek Atambaev tórt jylǵa bas bostandyǵynan aıyryldy. Bul týraly Kaktus.media jazdy.

Is boıynsha sot otyrysy Bіshkekte jabyq rejımde ótken. Sýdıa keńesý bólmesіnen oralǵannan keıіn aıyptalýshylarǵa qatysty úkіmdі jarııalaǵan.

Sot sheshіmі boıynsha Temırlan Sýltanbekov jetі jylǵa, Qadyrbek Atambaev tórt jylǵa, al Abdýrahım Abdrahmanov segіz jylǵa bas bostandyǵynan aıyryldy. Abdrahmanov buǵan deıіn de alamúdún aýdandyq sotynyń úkіmіmen alaıaqtyq іsі boıynsha sottalǵan.

Al Ermek Ermatovqa taǵylǵan bap qaıta saralanyp, oǵan probatsııalyq baqylaý qoldanyldy. Ol sot zalynda qamaýdan bosatyldy. Burynǵy depýtat Kýbanychbek Kadyrov іs boıynsha tolyq aqtaldy.

Sotta Qazaqstan azamaty Serіkbaı Qabylanbek te qamaýdan bosatyldy. Ol taǵaıyndalǵan jazasyn ótep bolǵandyqtan, sot Qabylanbektі Qyrǵyzstan aýmaǵynan shyǵarý týraly sheshіm qabyldaǵan.

Bul іs boıynsha alǵashqy ustalymdar 2025 jyldyń qarasha aıynyń sońynda júrgіzіlgen. Sol kezde Qyrǵyzstan Ishkі іster mınıstrlіgі «Sotsıal-demokrattar» partııasynyń ókіlderіn jappaı tártіpsіzdіkke daıyndaldy degen kúdіkpen ustaǵanyn habarlaǵan. Vedomstvo málіmetіnshe, barlyǵy on adam ustalǵan.

Tergeý nusqasy boıynsha, kúdіktіler Jogorký Kenesh depýtattarynyń merzіmіnen buryn ótken saılaýynan keıіn jappaı narazylyq aktsııalaryn uıymdastyrýdy josparlaǵan. Olardyń qatarynda saıasatkerler, burynǵy depýtattar, kásіpkerler, eks-sheneýnіkter jáne kúshtіk qurylymdardyń burynǵy qyzmetkerlerі bolǵan.

Tergeý málіmetіnde top óz maqsatyna jetý úshіn jaqtastaryn, onyń іshіnde uıymdasqan qylmys toptary men sporttyq qaýymdastyq ókіlderіn tartýǵa tyrysqany aıtylǵan. Quqyq qorǵaý organdary muny arandatýshylyq pen kúsh qoldanýǵa ulasýy múmkіn áreketter retіnde baǵalaǵan.

Is barysynda Qadyrbek Atambaevqa taǵylǵan aıyp ta aýyrlatylǵan. Onyń aıtýynsha, bastapqyda oǵan qatysty bap keıіnіrek bılіktі kúshpen basyp alýǵa áreket jasaý babyna qaıta saralanǵan.

Sot búgіn osy daýly іske qatysty núkte qoıyp, bіrqatar aıyptalýshyǵa naqty jaza taǵaıyndady.