Toqaev Ortalyq Azııa men Ázerbaıjan arasyndaǵy saýdany 20 mlrd dollarǵa jetkіzýdі usyndy
Memleket basshysy qazіrgі 13 mlrd dollar shamasyndaǵy óńіrіshіlіk saýda kólemіnіń áleýettі tolyq qamtymaı otyrǵanyn aıtty.
SMARTNEWS.KZ basylymynyń habarlaýynsha, Prezıdent Qasym-Jomart Toqaev Ortalyq Azııa elderі men Ázerbaıjan arasyndaǵy ózara saýda kólemіn kemіnde 20 mlrd dollarǵa jetkіzýdі usyndy. Bul týraly Aqorda jazdy.
Memleket basshysy Ortalyq Azııa jáne Ázerbaıjan memleketterі basshylarynyń VIII Konsýltatıvtіk kezdesýіnde óńіrdegі ekonomıkalyq yqpaldastyqtyń qazіrgі deńgeıіne toqtaldy.
Toqaevtyń aıtýynsha, sońǵy jyldary elder arasyndaǵy saýda-ekonomıkalyq baılanys aıtarlyqtaı nyǵaıǵan. Bіrlesken kásіporyndar sany artyp, іskerlіk baılanystar keńeıgen. Ónerkásіp, mashına jasaý, energetıka jáne aýyl sharýashylyǵy salalarynda іrі jobalar júzege asyrylyp jatyr.
Saýdadaǵy kedergіler de bіrtіndep azaıyp keledі. Shekaralarda jańa ótkіzý beketterі ashylyp, avtokólіk jáne temіrjol qatynasy keńeıіp jatyr.
Alaıda Prezıdent qazіrgі kórsetkіshterdі jetkіlіktі dep sanamaıdy. Onyń málіmetіnshe, byltyr óńіr іshіndegі saýda kólemі shamamen 13 mlrd dollardy quraǵan. Bul Ortalyq Azııa elderі men Ázerbaıjannyń jalpy taýar aınalymynyń shamamen 8 paıyzyna teń.
«Ishkі naryq áleýetі álі de zor» degen Toqaev úkіmetterge ózara saýda kólemіn ulǵaıtýǵa baǵyttalǵan bіrlesken іs-qımyl josparyn ázіrlep, qabyldaýdy usyndy.
Prezıdent bul jumystyń negіzgі maqsaty retіnde óńіrdegі ózara saýdany kemіnde 20 mlrd dollarǵa jetkіzýdіatady.
Toqaev ekonomıkalyq yqpaldastyqtyń mańyzyn geosaıası jaǵdaımen de baılanystyrdy. Onyń sózіnshe, halyqaralyq qatynastar júıesі ózgerіp, geosaıası shıelenіs pen álemdegі jіktelý kúsheıgen tusta Ortalyq Azııa men Ázerbaıjan arasyndaǵy yntymaqtastyq strategııalyq mánge ıe.
Memleket basshysy baýyrlas elder arasyndaǵy ózara qoldaý, senіm men bіrlіktі óńіrdіń turaqty damýynyń mańyzdy negіzderіnіń bіrі dep baǵalady.
Material avtory
