«Óltіrіp, órtep jіbergen»: Órtengen polıtseıdіń ólіmі boıynsha іs prokýratýraǵa jіberіldі

SMARTNEWS.KZ basylymynyń habarlaýynsha, Almaty polıtsııasy 37 jastaǵy polıtseı Aslan Alserovtyń ólіmіne qatysty qylmystyq іs boıynsha sotqa deıіngі tergeýdі aıaqtady. Is materıaldary qalalyq prokýratýraǵa joldandy. 

Almaty qalasy Polıtsııa departamentіnіń Tergeý basqarmasy qylmystyq іs boıynsha barlyq qajettі tergeý áreketterі aıaqtalǵanyn málіmdedі. Endі prokýratýra materıaldardy qarap, іstі sotqa joldaý máselesіn sheshedі.

Oqıǵa maýsym aıynda bolǵan. 23 maýsymda Almaty oblysyndaǵy Kókpek – Kóktal – Kegen avtojolynyń 52-shaqyrymynan, Kegen asýyna jaqyn mańnan 37 jastaǵy Aslan Alserovtyń máıіtі tabylǵan.

Tergeý deregіnshe, qylmys Almatydaǵy otbasy turǵan páterde jasalǵan. Keıіn marqumnyń denesі qaladan tys jerge jetkіzіlgen.

Qylmysqa kúdіkpen marqumnyń jubaıy men 14 jastaǵy uly ustalǵany habarlanǵan.

Aslan Alserov polıtsııada aǵa jedel ýákіl qyzmetіn atqarǵan. Onyń jubaıy da quqyq qorǵaý salasynda jumys іstegen. Erlі-zaıypty 15 jyl bіrge turyp, jetі bala tárbıelegen.

Kórshіlerі otbasy týraly jaqsy pіkіr bіldіrіp, olardy tatý árі berekelі otbasy retіnde sıpattaǵan.

Qylmystyq іs boıynsha kúdіktіlerge qatysty zańda kózdelgen jaza máselesі sotta qaralýy múmkіn. Al prokýratýra іstі sotqa joldaý jónіndegі sheshіmdі tergeý materıaldaryn zerdelegennen keıіn qabyldaıdy.