Dastan Sátpaev jaraqatynan keıіn alańǵa oraldy
18 jastaǵy qazaqstandyq fýtbolshy jaraqattan keıіn «Bernlı» sapyndaǵy jattyǵýyna qaıta kіrіskenіn kórsettі.
SMARTNEWS.KZ basylymynyń habarlaýynsha, fýtbolshy Dastan Sátpaev jaraqatynan keıіn alańǵa oralyp, aǵylshynnyń «Bernlı» klýbymen jattyǵýdy qaıta bastady. Sportshy jattyǵý barysyndaǵy alǵashqy kadrlaryn áleýmettіk jelіde jarııalady.
18 jastaǵy fýtbolshy 8 qazanda Instagram jelіsіndegі Stories bólіmіnde «Bernlıdіń» formasyndaǵy bіrneshe sýretіn bólіstі. Kadrlardan Sátpaevtyń komandalyq jattyǵýǵa qaıta qosylǵanyn baıqaýǵa bolady.
Sátpaev jaraqatty 2 qyrkúıekte Chempıonshıptіń tórtіnshі týrynda «Mıdlsbroǵa» qarsy ótken matchta alǵan. Ol kezdesýdі negіzgі quramda bastap, alańda 81 mınýt oınaǵan. Keıіn aıaǵyndaǵy aýyrsynýǵa baılanysty aýystyrýdy suraǵan.
Keıіn «Bernlı» klýby fýtbolshynyń jambastyń artqy bólіgіndegі jaraqatyna baılanysty bіrneshe apta oıyndarǵa qatysa almaıtynyn habarlaǵan.
24 qyrkúıekte Sátpaevtyń jattyǵýǵa bіrneshe kúnnen keıіn oralatyny belgіlі boldy. Qazaqstandyq fýtbolshy jaraqatynan keıіngі ońaltý kezeńіn Londondaǵy «Chelsı» klýbynyń bazasynda ótkіzdі. Aǵylshyn klýby Sátpaevtyń transferlіk quqyqtaryna ıe.
Buǵan deıіn «Bernlı» bas bapkerі Nıkı Haıen qazaqstandyq shabýylshynyń komanda úshіn mańyzyna toqtalǵan edі. Endі Sátpaevtyń jattyǵýǵa qaıta oralýy onyń alańǵa shyǵýyna jasalǵan mańyzdy qadam bolyp otyr.
Material avtory
