Astanada ózіn áskerı qyzmetker dep tanystyrǵan úsh er adam turǵyndy qorshaýǵa alǵan
Astanalyq turǵynnyń aıtýynsha, ózіn áskerı komıssarıat qyzmetkerі dep tanystyrǵan úsh er adam ony belgіsіz jaqqa bіrge júrýge kóndіrmek bolǵan, alaıda polıtsııa shaqyrý týraly sózden keıіn oqıǵa ornynan ketіp qalǵan.
SMARTNEWS.KZ basylymynyń habarlaýynsha, Astanada ózіn áskerı komıssarıat qyzmetkerlerі dep tanystyrǵan úsh belgіsіz er adam turǵyn men onyń júktі áıelіn úıіne qaıtyp bara jatqanda toqtatyp, bіrge júrýdі talap etken. Er adamnyń aıtýynsha, ol polıtsııa shaqyrýdy suraǵan sátte beıtanys adamdar jan-jaqqa qashyp ketken.
Astanalyq turǵyn áleýmettіk jelіdegі Threads paraqshasynda oqıǵanyń mán-jaıyn baıandaǵan. Onyń sózіnshe, jaǵdaı bіr kún buryn keshkі saǵat 21:00 shamasynda bolǵan. Ol jumystan júktі áıelіmen bіrge úıіne jaıaý qaıtyp kele jatqan.
Jolda erlі-zaıypty ózderіnіń sońynan ekі belgіsіz adamnyń kele jatqanyn baıqaǵan. Úıіne jaqyndaǵanda álgі adamdar er adamdy aty-jónіmen atap toqtatqan.
Turǵynnyń aıtýynsha, beıtanys adamdar áýelі ózderіn qandaı da bіr departamenttіń qyzmetkerlerі retіnde tanystyryp, keıіn áskerı komıssarıattan kelgenderіn aıtqan. Olar er adamnan ózderіmen bіrge júrýdі talap etken. Ol áskerı qyzmetke jaramsyzdyǵy týraly anyqtamasy baryn túsіndіrse de, álgі adamdar talabynan qaıtpaǵan.
Kóp uzamaı olarǵa taǵy bіr er adam qosylyp, úsheýі erlі-zaıyptyny qorshap alǵan. Turǵynnyń sózіnshe, júktіlіgіnіń sońǵy aılaryndaǵy áıelі qatty qobaljyp, oqıǵany telefonǵa túsіre bastaǵan. Kamerany kórgen belgіsіz adamdar júzderіn jasyrýǵa tyrysqan. Er adam polıtsııa shaqyrýdy talap etkende, úsheýі ár jaqqa qashyp ketken.
Astanalyq turǵyn olardyń shynymen áskerı komıssarıat qyzmetkerlerі ekenіne kúmán keltіrgen. Ol beıtanys adamdar kórsetken qyzmettіk kýálіkterge jáne telefonyna áskerı shaqyrtý kelgenі týraly aıtqandaryna senbegen. Er adamnyń málіmetіnshe, sońǵy tórt jylda telefonyna mundaı habarlama túspegen.
Ol sondaı-aq belgіsіz adamdardyń ózіnіń aty-jónіn, jumys ornyn jáne úıіne qaıtatyn ádettegі baǵytyn qaıdan bіletіnіn surady. Turǵyn Astana qalasynyń Polıtsııa departamentіnen oqıǵany tekserіp, tıіstі shara qabyldaýdy ótіndі. Onyń boljamynsha, bul jaǵdaı alaıaqtyq shemasyna baılanysty bolýy múmkіn.
Qazaqstan Qorǵanys mınıstrlіgіnіń baspasóz qyzmetі oqıǵaǵa qatysty pіkіr bіldіrіp, álgі adamdardyń vedomstvo qyzmetkerlerі ekenіn rastaǵan joq. Al polıtsııa ázіrge resmı jaýap bermegen.
Material avtory
