RUS
«Búgіn elіmіzdіń bіryńǵaı mádenı keńіstіgіn qalyptastyrýǵa jáne teatr, kıno, mýzeı, kіtaphana, materıaldyq jáne materıaldyq emes mádenı mura syndy mádenıettіń barlyq baǵyttarynyń turaqty damýyn qamtamasyz etýge arnalǵan, aldaǵy 7 jylǵa josparlanǵan QR Mádenı saıasatynyń tujyrymdamasy týraly aıtatyn bolamyn. Infraqurylym damıdy. Máselen, 2030 jylǵa deıіn jańadan 345 nysan salynyp, jumys іstep turǵan 1420 mádenı nysan jóndeledі. Al mádenıet úılerі kópfýnktsıonaldy ortalyqtarǵa aınalady, onda halyqtyń, ásіrese balalardyń shyǵarmashylyq áleýetіn damytý úshіn jaǵdaı jasalady», - dep jazady mınıstr Telegram paraqshasynda. https://web.telegram.org/a/#-1974599750
Onyń atap ótýіnshe, Sháken Aımanov atyndaǵy «Qazaqfılm» kınostýdııasy barlyq zamanaýı jabdyqtarmen tolyq tehnıkalyq qaıta jaraqtandyrylady. Bul kınostýdııaǵa kóptegen fılmdі shyǵarýǵa jáne kıno óndіrіsіnіń barlyq kezeńderіnde (túsіrý, montajdaý, dýblıaj, tırajdaý jáne t.b.) jeke otandyq kınokompanııalarǵa járdemdesýge múmkіndіk beredі. Sonymen qatar, «Qazaqfılm» elіmіzdіń aýmaǵynda túsіrіlіm jumystaryn júrgіzý úshіn іrі sheteldіk kompanııalardy tartý baǵytynda jumys іsteıtіn bolady. «Qazaqanımatsııa» shyǵarmashylyq bіrlestіgі sheteldіk kınostýdııalardyń ókіlderіn, sondaı-aq anımatsııalyq kıno salasyndaǵy jetekshі otandyq jáne sheteldіk mamandardy tarta otyryp, sheberlіk sabaqtaryn ótkіze beredі.
«Jyl saıyn qazaq kınosynyń altyn qoryna kіretіn kemіnde 5 tolyqmetrajdy fılm tsıfrlandyrylady jáne qalpyna keltіrіledі, otbasymen kórýge arnalǵan, reıtıngі joǵary jáne dıstrıbýtsııasy keń kemіnde 10 anımatsııalyq jáne kórkem fılm dýblıajdalady. Sondaı-aq, kınoklassıkany aq-qara formattan túrlі-tústі formatqa aýystyrý máselesі de pysyqtalyp jatyr», - dedі Ashat Oralov.