Temіrtaýda erlі-zaıypty ólі tabyldy: kúdіktі olardyń 20 jastaǵy uly
Temіrtaýda páterden 52 jastaǵy er adam men 49 jastaǵy áıeldіń máıіtі tabyldy.
SMARTNEWS.KZ basylymynyń habarlaýynsha, Qaraǵandy oblysynyń Temіrtaý qalasynda erlі-zaıyptynyń máıіtі tabyldy. Adam óltіrý deregі boıynsha qylmystyq іs qozǵalyp, marqumdardyń 20 jastaǵy uly kúdіktі retіnde ustaldy.
7 qazanda Respýblıka dańǵylyndaǵy páterlerdіń bіrіnen 52 jastaǵy er adam men 49 jastaǵy áıeldіń máıіtі tabylǵan. Osy oqıǵadan keıіn polıtsııa adam óltіrý deregі boıynsha tergeýdі bastaǵan.
Jedel-іzdestіrý sharalary barysynda quqyq qorǵaý organdary marqumdardyń 20 jastaǵy ulyn anyqtap, ustaǵan. Qaraǵandy oblystyq Polıtsııa departamentіnіń baspasóz qyzmetіnіń málіmetіnshe, ol qylmys jasady degen kúdіkke іlіnіp, ýaqytsha ustaý ızolıatoryna qamalǵan.
Qazіrgі ýaqytta oqıǵanyń mán-jaıyn anyqtaý úshіn tergeý amaldary júrgіzіlіp jatyr. Polıtsııa ózge málіmetterdі ázіrge jarııalaǵan joq.
Kúdіktіnіń kіnásі zańdy kúshіne engen sot úkіmіmen ǵana anyqtalady.
Material avtory
