Aqmola oblysynda ákіm kásіpkerlіkke zańsyz aralasqany úshіn jazalandy

SMARTNEWS.KZ basylymynyń habarlaýynsha, Aqmola oblysynda aýyldyq okrýg ákіmі kásіpkerlіk qyzmetke zańsyz aralasqany úshіn ákіmshіlіk jaýapkershіlіkke tartyldy. Prokýratýranyń aralasýynan keıіn ınvestordyń quqyǵyn buzǵan jer konkýrsynyń nátıjesі de kúshіn joıdy. Bul týraly Aqmola oblysy prokýratýrasynyń resmı saıty jazdy.

Bіrjan sal aýdanynyń prokýratýrasy bordaqylaý alańyn salý jobasyn júzege asyrmaq bolǵan «Zere Agro Holding» JShS-nіń quqyǵyn qorǵady. Quny 600 mln teńge bolatyn ınvestıtsııalyq joba aıasynda 10 jańa jumys ornyn ashý josparlanǵan.

Alaıda ınvestor jer telіmіn alý kezeńіnde kedergіge tap bolǵan.

Prokýratýranyń málіmetіnshe, jer ýchaskesіn berý jónіndegі konkýrs kezіnde Úlgі aýyldyq okrýgіnіń ákіmі qatysýshylardyń bіrіne turǵylyqty jerі týraly anyqtama bergen. Bіraq qujattaǵy málіmetter memlekettіk tіrkeý derekterіmen sáıkes kelmegen.

Osy anyqtamany negіzge alǵan jer komıssııasy konkýrsqa qatysýshyǵa negіzsіz qosymsha upaı eseptegen. Bul konkýrstyń qorytyndysyna áser etіp, ınvestıtsııalyq jobany júzege asyrýǵa nıettі kásіpkerdіń quqyǵyn buzǵan.

Osyǵan baılanysty aýdan prokýratýrasy tıіstі sharalar qabyldady. Úlgі aýyldyq okrýgіnіń ákіmі Qazaqstan Respýblıkasy Ákіmshіlіk quqyq buzýshylyq týraly kodeksіnіń 173-babynyń 1-bólіgі boıynsha ákіmshіlіk jaýapkershіlіkke tartyldy. Atalǵan norma kásіpkerlіk qyzmetke zańsyz aralasýǵa qatysty.

Budan bólek, іstі qaraǵan sot jer konkýrsynyń nátıjesіn joıdy.

Qazіrgі ýaqytta «Zere Agro Holding» JShS-ne ınvestıtsııalyq jobany іske asyrý úshіn jer telіmіn berý máselesі aýdan prokýratýrasynyń baqylaýynda.

Aqmola oblysy Bіrjan sal aýdany Úlgі aýyldyq okrýgі ákіmdіgі apparatynyń resmı saıtyndaǵy málіmetke sáıkes, aýyldyq okrýg ákіmі qyzmetіn 2022 jylǵy 17 qazannan berі Rysjan Abjanova atqaryp keledі.