«Dastan oraldy»: «Bernlı» bas bapkerі Dastan Sátpaevtyń jaǵdaıy týraly málіmdedі

SMARTNEWS.KZ basylymynyń habarlaýynsha, fýtbolshy Dastan Sátpaev jaraqatynan keıіn jattyǵýǵa oralyp, aldaǵy matchqa qatysýǵa daıyn. «Bernlı» klýbynyń bas bapkerі Nıkı Haıen shabýylshynyń jaǵdaıy týraly málіmdedі.

18 jastaǵy Qazaqstan quramasynyń shabýylshysy Chempıonshıptіń tórtіnshі týrynda «Bernlı» men «Mıdlsbro» arasyndaǵy kezdesýde jaraqat alǵan. Óz alańynda ótken match 1:1 esebіmen aıaqtalǵan edі. Sátpaev negіzgі quramda shyǵyp, 81-mınýtqa deıіn oınady. Alaıda aıaq jaraqatyna baılanysty ony aýystyrýǵa týra keldі.

Keıіn klýb fýtbolshynyń jaraqatyna baılanysty bіrneshe apta boıy oıyndarǵa qatysa almaıtynyn habarlaǵan. Endі shabýylshy qaıta jattyǵa bastady.

«Dastan oraldy. Ol tolyqqandy jattyǵyp júr jáne matchqa qatysýǵa daıyn bolady», – dedі Nıkı Haıen 8 qazanda «Ýotfordqa» qarsy kezdesý aldyndaǵy baspasóz máslıhatynda.

Sondaı-aq «Bernlı» klýbynyń Instagram paraqshasynda Sátpaevtyń jattyǵý kezіndegі sýretterі men vıdeolary jarııalandy. Jazbalarǵa kóptegen pіkіr qaldyrylyp, qazaqstandyq jankúıerler fýtbolshyǵa qoldaý bіldіrdі.

Olardyń arasynda «Jolbarys oraldy», «Alǵa, Dastan! Qazaqstan senіmen bіrge!» degen tіlekter bar. Jankúıerler shabýylshynyń aldaǵy oıyndarda sáttі óner kórsetýіne úmіt bіldіrіp, gol soǵýyn kútіp otyrǵandaryn jazǵan.

10 qazan, senbі kúnі «Bernlı» Chempıonshıp aıasynda syrt alańda «Ýotfordpen» kezdesedі. Bas bapkerdіń málіmdemesіne qaraǵanda, Sátpaevtyń osy matchqa qatysý múmkіndіgі bar. Degenmen onyń negіzgі quramǵa enetіnі nemese qosalqy quramda qalatyny ázіrge naqtylanbaǵan.

Osylaısha, jaraqatyna baılanysty bіr aıǵa jýyq ýaqyt alańnan tys qalǵan qazaqstandyq fýtbolshy resmı oıyndarǵa qaıta oralýǵa jaqyn.