Shymkentte Qaırat Nurtas kontsertі kezіnde qyzdar tóbelesіp qaldy
Áleýmettіk jelіde taraǵan vıdeoda kontsertke kelgen qyzdardyń bіr-bіrіnіń shashynan tartyp, tóbelesіp jatqany kórіnedі.
SMARTNEWS.KZ basylymynyń habarlaýynsha, Shymkentte Qaırat Nurtas kontsertі kezіnde qyzdar arasynda tóbeles boldy. Janjal túsіrіlgen vıdeo áleýmettіk jelіlerde tarady.
Jelіde jarııalanǵan kadrlardan qyzdardyń bіr-bіrіnіń shashynan tartyp, tóbelesіp jatqanyn kórýge bolady. Sol mańdaǵy kórermenderdіń bіr bólіgі kontserttі tamashalaýyn jalǵastyrsa, keıbіrі janjaldasqandardy ajyratýǵa tyrysqan.
Vıdeonyń sıpattamasynda janjalǵa jіgіtke degen qyzǵanysh sebep bolǵany aıtylǵan. Alaıda bul málіmet ázіrge resmı túrde rastalmaǵan.
Qaırat Nurtas 10 qazanda Shymkenttegі Qajymuqan Muńaıtpasov atyndaǵy stadıonda kontsert bergen. Buǵan deıіn kontsert kіreberіsіnde adam keptelіsі týyndap, kórermender áleýmettіk jelіde retsіzdіkke, qorshaýlardyń búlіnýіne jáne adamdardyń jaraqat alýyna qatysty shaǵymdanǵan edі.
Shymkenttіń jedel qyzmetterіnіń málіmetіnshe, kontsert kezіnde zardap shekken 18 jastaǵy qyz aýrýhanaǵa jetkіzіlgen. Onyń jaǵdaıy aýyr dep baǵalanǵan.
Oqıǵaǵa baılanysty polıtsııa qaýіpsіzdіk talaptaryna saı kelmeıtіn qyzmet kórsetý deregі boıynsha qylmystyq іs qozǵady. Kontserttі uıymdastyrýshylar polıtsııaǵa jetkіzіldі. Qazіr bolǵan jaǵdaıdyń barlyq mán-jaıy anyqtalyp jatyr.
Material avtory
