Almatyda basyna qap kıgіzіlgen er adamdy podezden kóterіp alyp shyqqan: úsh kúdіktі ustaldy
Kórshіlerdіń aıtýynsha, basyna qap kıgіzіlgen er adamdy es-tússіz kúıde turǵyn úıdіń kіreberіsіnen alyp shyqqan, al keıіn onyń páterі satylǵany belgіlі bolǵan.
SMARTNEWS.KZ basylymynyń habarlaýynsha, Almatyda basyna qap kıgіzіlgen er adamdy turǵyn úıdіń kіreberіsіnen es-tússіz kúıde alyp shyqqan oqıǵaǵa qatysty tergeý júrіp jatyr. Kórshіlerі keıіn er adamnyń páterі satylǵanyn bіlіp, bul jaǵdaıǵa «qara rıeltorlardyń» qatysy bolýy múmkіn dep kúdіktengen. Polıtsııa úsh kúdіktіnіń ustalǵanyn habarlady.
Kórshіlerdіń aıtýynsha, er adamdy basyna qap kıgіzіlgen kúıde podezden kóterіp alyp shyqqan. Osy oqıǵadan keıіn onyń páterіnіń satylyp ketkenі belgіlі bolǵan. Bul jaıt turǵyndardyń kúdіgіn kúsheıtken.
Alaıda «qara rıeltorlardyń» oqıǵaǵa qatysy bar-joǵy ázіrge resmı túrde rastalǵan joq.
Almaty qalalyq polıtsııa departamentіnіń málіmetіnshe, atalǵan derek boıynsha Bostandyq aýdandyq polıtsııa basqarmasynyń bólіmshesі tergeý júrgіzіp jatyr.
«Osy derek boıynsha úsh kúdіktі ustalyp, qamaýǵa alyndy», – dep habarlady qalalyq polıtsııa departamentіnіń baspasóz qyzmetі.
Polıtsııa oqıǵanyń mán-jaıyn jan-jaqty árі obektıvtі anyqtaý úshіn tergeý-jedel toby qurylǵanyn málіmdedі. Qazіr bolǵan jaǵdaıdyń sebep-saldaryn anyqtaýǵa jáne yqtımal ózge qatysýshylardy tabýǵa baǵyttalǵan tergeý amaldary men jedel іzdestіrý sharalary júrgіzіlіp jatyr.
Tergeý barysy Almaty qalalyq polıtsııa departamentі basshylyǵynyń baqylaýynda.
Material avtory
